Buchters verenig teen dwelms

Lüderitz-inwoners wil ’n permanente padblokkade by die dorp se in- en uitgange hê om die vloei van dwelms en ander onwettige middels te stuit.“Ons stel voor dat ’n sekuriteitsbeheerpunt opgerig word om voertuie wat daarvan verdink word dat hulle onwettige middels vervoer, te monitor en te deursoek,” het gemeenskapslede in ’n klagskrif voorgestel wat Saterdag aan die Namibiese polisie oorhandig is.Hierdie maatreël, glo hulle, sal help om “dwelmhandelroetes te ontwrig en ons dorp teen onwettige instroming te beskerm.”Ongeveer 200 gemeenskapslede het Saterdag na die polisiekantoor opgeruk en geregtigheid geëis vir die 74-jarige ouma Frieda Ngwedha, wat in Januarie gesterf het nadat sy in Desember aangerand en beroof is.Hulle het ’n klagskrif aan die bevelvoerder van die eenheid vir misdaadvoorskoming, senior inspekteur Paulus Kaferandu, oorhandig wat spoedige reaksie belowe het.“Ons eis geregtigheid vir kuku Frieda Kaunapawa Ngwedha,” het organiseerder Ndeshipanda Akwenye gesê.“Ons is nie hier om konflik te skep nie. Ons is hier om lewens te beskerm, veiligheid te herstel en die toekoms van ons gemeenskap te verdedig,” het hy bygevoeg.Akwenye het gesê die noodlottige rooftog weerspieël die toenemende geweld wat met dwelmmisbruik en verslawing verband hou.“Onskuldige burgers word toenemend slagoffers van aanvalle wat gepleeg word deur individue wat hul dwelmgewoontes probeer onderhou. “Ons wil hê ’n deeglike ondersoek moet gedoen word wat sal lei tot die spoedige inhegtenisneming en vervolging van die verantwoordelikes.”DRINKPLEKKEDie gemeenskap het ook gevra vir die afdwinging van ouderdomsbeperkings in kroeë en by drinkplekke.“Kroegeienaars het ’n wetlike en morele verantwoordelikheid om identifikasie te verifieer en die toegang van minderjariges te verhoed.“Ons moet minderjariges beskerm teen die blootstelling aan alkohol, dwelms en kriminele omgewings. Nie-nakoming moet tot boetes en moontlike toesluiting lei,” lui die klagskrif.Hulle het verder versoek dat streng waarskuwings en afdwingingsmaatreëls ingestel en toegepas word teen verhuurders en eiendomseienaars indien dwelms op gehuurde persele ontdek word.“Eiendomseienaars moet saam met wetstoepassing saam. Herhaalde nalatigheid moet tot regsgevolge lei. “Verhuurders moet verantwoordelike huurpraktyke verseker. Die veiligheid van die gemeenskap moet bo wins kom,” lui die klagskrif.MEER MANNEKRAGGemeenskapslede het verder die sluiting van leë, verlate huise geëis.“Hierdie plekke het brandpunte vir dwelmgebruik en kriminele bedrywighede geword.”Die Lüderitz-dorpsraad moet verseker dat hierdie strukture verseël en beveilig word.“Oortreders moet vervolg word, en gemeenskapsvennootskappe moet ingestel word om hierdie ruimtes te beskerm,” het hulle voorgestel.Die gemeenskap het ook gevra vir ’n toename in die aanwesigheid van wetstoepassiers.Hulle meen sigbare polisiëring dien as afskrifkmiddel en herstel openbare vertroue.“Ons versoek dringend meer mannekrag op die grond om veiligheid te herstel en kriminele aktiwiteite af te skrik.“Indien nodig, kan versterkingsmaatreëls soortgelyk aan dié wat in Keetmanshoop toegepas is, oorweeg word,” lui die klagskrif.Die gemeenskapslede het verder beklemtoon dat hulle gereed staan om saam met owerhede, ouers en gemeenskapsleiers te werk om ’n veiliger, gesonder Lüderitz vir huidige en toekomstige geslagte te bou.“Ons staan verenig teen dwelms, misdaad en geweld. Ons staan vir veiligheid en geregtigheid. Ons weier om deur dwelms en misdaad gedefinieer te word.“Ons kies hoop, eenheid en ’n toekoms waar elke jongmens in Lüderitz in veiligheid kan leef en droom,” het hulle gesê.

Buchters verenig teen dwelms

Kommentaar

Republikein 2026-09-16

Meld asseblief aan om kommentaar te lewer

Buchters verenig teen dwelms

Kommentaar

Republikein 2026-09-16

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.