Rehobothers aangespoor om onwettige storting te staak

Die Rehoboth-dorpsraad het inwoners versoek om groter verantwoordelikheid vir afvalverwydering te neem en gewaarsku dat die onwettige storting van afval – insluitend doeke en sanitêre doekies – pogings ondermyn om die dorp skoon en higiënies te hou.Die raad sê gebiede wat deur munisipale spanne skoongemaak is, word soms die volgende dag weer in onwettige stortingsterreine omskep. Dit wek kommer oor inwoners se houding teenoor sanitasie en hul verantwoordelikheidsin teenoor die omgewingDie woordvoerder van die raad, Desire Pieters, het gesê die instandhouding van ’n skoon omgewing is nie net die verantwoordelikheid van die munisipaliteit is nie, maar ook dié van inwoners, besighede, skole en gemeenskapsorganisasies.Sy het gesê dit is “ontmoedigend wanneer dieselfde gebiede wat deur ons spanne skoongemaak is, die volgende dag weer as onwettige stortingsterreine gebruik word. Dit ondermyn die werk wat gedoen word en getuig van ’n gebrek aan respek vir die gesamentlike pogings van ons gemeenskap”.Pieters het huishoudings aangemoedig om gebruikte babadoeke en sanitêre doekies op ’n verantwoordelike wyse weg te gooi en daarteen gewaarsku om dit in strate, rivierbeddings, dreineringskanale en openbare oop ruimtes te stort.“Omgewingsgesondheid en die bestuur van ons omgewing is ons mandaat as raad, maar ons kan dit nie alleen doen nie. “Ons het al ons belanghebbendes en inwoners nodig om saam met ons te werk om Rehoboth skoon en gesond te hou,” het sy gesê.Pieters het bygevoeg die raad werk daaraan om gepaste regulatoriese maatreëls en strawwe vir onwettige storting in te stel en af te dwing, onderworpe aan toepaslike regs- en institusionele prosesse.Inwoners is ook gewaarsku om nie huishoudelike afval in oop ruimtes te verbrand nie, weens die gepaardgaande gesondheids-, omgewings- en brandrisiko’s.MAAK SKOON WAAR JY WOONDie raad se beroep op inwoners vorm deel van sy breër pogings om omgewingsgesondheid, sanitasie en gemeenskapsontwikkeling te versterk deur middel van sy burgemeesters-skoonmaakveldtog “Maak skoon waar jy woon”, wat in Mei van stapel gestuur is.Die veldtog, wat deur die loop van die jaar plaasvind, beoog om inwoners, besighede, skole en gemeenskapsorganisasies te mobiliseer om gesamentlik verantwoordelikheid te neem om woonbuurte en openbare ruimtes skoon te hou.Die munisipaliteit het vennootskappe met gemeenskapsorganisasies, insluitend Helping Souls in Blok H, Block Home en die Lions-klub, versterk om skoonmaak-aksies uit te voer en bewusmaking oor persoonlike higiëne en die verantwoordelike verwydering van afval te verhoog.Die raad ondersteun voorts georganiseerde skoonmaakinisiatiewe deur vullissakke, handskoene en maskers te verskaf, onderhewig aan beskikbaarheid. In ’n poging om langtermyn-gedragsverandering aan te moedig, het die raad se afdeling vir omgewingsgesondheid, in samewerking met die kantoor van die burgemeester, omgewingsklubs by al vier hoërskole in Rehoboth gestig.Rehoboth se junior raadslede tree as ambassadeurs vir die klubs op en moedig leerlinge aan om omgewingsbeskerming en verantwoordelike afvalbestuur onder ander leerlinge en gemeenskappe te bevorder.Intussen handhaaf die raad ’n vasgestelde skedule vir vullisverwydering, waarvolgens Volstruisvlaktes op Vrydae bedien word. Inwoners wie se vullis nie afgehaal is nie, word aangemoedig om dit by die afdeling vir omgewingsgesondheid aan te meld om op te volg.VENNOOTSKAPPEDie munisipaliteit verkoop ook reeds sedert 2025 vullisdromme en moedig huishoudings steeds aan om geskikte houers vir die higiëniese berging van afval en doeltreffende verwydering daarvan aan te skaf. Die raad erken egter dat finansiële en operasionele beperkings steeds ’n invloed het op sy vermoë om ’n doeltreffende afvalbestuurstelsel te handhaaf.Om hierdie uitdagings te takel, het die raad konsepnotas en befondsingsvoorstelle aan potensiële ontwikkelingsvennote en befondsingsinstellings voorgelê om die afvalverwyderingsgeriewe te verbeter en toepaslike afvalbestuurmasjinerie en -toerusting aan te skaf.Die raad werk ook daaraan om sy beleid oor die bestuur van vaste afval en sy beleid oor beroepsgesondheid en -veiligheid te finaliseer.Daarbenewens het sy afdeling vir omgewingsgesondheid ’n mediese toesigprogram ingestel vir werknemers wat in hoërisiko-omgewings werk, terwyl reëlings getref word om inentings teen hepatitis B aan betrokke werknemers te verskaf. – aurelia@nmh-hub.com.na

Rehobothers aangespoor om onwettige storting te staak

Kommentaar

Republikein 2026-11-10

Meld asseblief aan om kommentaar te lewer

Rehobothers aangespoor om onwettige storting te staak

Kommentaar

Republikein 2026-11-10

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.