Wilro, Rian sit die Tara-kat ore aan

Wilro Dippenaar en Rian Kritzinger het Saterdagnamiddag onderskeidelik die motor- en veldren-afdeling van die 2023 M+Z Motors Tara-tydren ingepalm.Dippenaar en sy navigator, Carolyn Swan, was Vrydagaand ná die eerste 12 skofte met sy S4-klas PZN Panel Beaters 4x4-Ford Fiesta R5 1.6T reeds met 50 sekondes voor Allan Martin en Maretha Olivier (S4 J&P Hydraulics 4x4-Skoda R5 1.6T). Saterdag het Dippenaar die gaping tot 3 minute 19 sekondes tussen hom en Martin vergroot om in 1 uur 39 minute 18 sekondes in te klok. Martin in 1:42:37 het die tweede posisie ingeneem, gevolg deur sy seun Zachary Martin en Jannie Coetzee (S2 J&P Hydraulics 2x4-VW Golf) wat met 1:54:59 algeheel derde was.Agt van die oorspronklike tien inskrywings het die tydren voltooi. Berto Mostert en Chané Havenga (S2) asook Pierre Röhm en Pieter Steyn (S1) moes ongelukkig tou opgooi.BAKKIE-KLAS (CR1/CR2)Rian Kritzinger en Ian Stander beklink die eerste posisie in 1:53:41 met Ekko Eisenberg en Rassie Rietz tweede in 2:18:12, terwyl Marius van Zyl en Jacky van Zyl die derde plek met 3:09:32 vat.Kritzinger se 2x4-Nissan NP300 V8-Lexus 4.0 Liter het foutloos geloop. Eisenberg se nuut geboude 2x4-JAC V8 4.0 is sorgvuldig deur dié nuweling hanteer, terwyl die Van Zyls se 2x4-Ford Ranger V6 3.0 sy staal getoon het.Loic Bathfield en Johan Steyn asook Werner Bartsch en Christel Fourie kon die tydren volgens supertydrenreëls voltooi. Bathfield se African Gas Solutions CR1-klas 2x4-Century Racing CR6 V8 7.0, se wielnaaf het Vrydag met die eerste skof gebreek en hy kon Vrydagaand weer inskryf. Gert Liebenberg/Johan Thiart (CR1-klas 2x4-Tata V8 4.7) en Ewald Bisschoff/Hein Bisschoff (CR1-klas 2x4-Toyota Hilux V8 4.0) is Vrydag reeds deur die Tara-kat se byt uit die tydren geboender. Die Bisschoffs moes ongelukkig weens uitputting halt roep.Die voorste uitslaeAlgeheel: Dippenaar/Swan, 2 Martin/Olivier, 3 Martin/Coetzee, 4 Pieter Greeff/JP Robinson, 5 Rolf Pretorius/Katja Pretorius, 6 Wido Bartsch/Raymond Fourie, 7 Michael Kotze/Wayne Rust. S4-klas: 1 Dippenaar/Swan, 2 Martin/Olivier.S3-klas: 1 Pretorius/Pretorius, 2 Kotze/Rust.S2-klas: 1 Martin/Coetzee, 2 Bartsch/Fourie.S1-klas: 1 Greeff/Robinson.CR-klasse algeheel: 1 Kritzinger/Stander, 2 Eisenberg/Rietz, 3 Van Zyl/Van Zyl (ook 1, 2 en 3 in CR1-klas). – tielman@republikein.com.na

Wilro, Rian sit die Tara-kat ore aan

Kommentaar

Republikein 2026-02-03

Meld asseblief aan om kommentaar te lewer

Wilro, Rian sit die Tara-kat ore aan

Kommentaar

Republikein 2026-02-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.