Vervalste kwalifikasies onder die loep
Twee weke gelede is ’n verhoor voor die Staatsdienskommissie gehou.
Die Namibiese polisie (Nampol) moes Dinsdag ook vrae van die parlementêre staande komitee oor menslike hulpbronbestuur en gemeenskapsontwikkeling beantwoord.
Die fokus van dié verhore het geval op vervalste kwalifikasies in die openbare domain.
Eerstens is die rol wat Nampol in die sertifisering van dokumente speel, uiteengesit.
Die polisie is verantwoordelik om seker te maak dat die afskrif ’n getroue weergawe van die oorspronklike dokument is. Om dít te verseker moet sekere sekuriteitskenmerke soos reeksnommers nagegaan word.
Nampol het benadruk dat hulle nie verantwoordelik is vir die sertifisering van primêre dokumente nie, maar slegs vir die sertifisering van afskrifte.
Die polisie stuur ook alle aansoekers se kwalifikasies na die Namibië Kwalifikasie-owerheid (NQA) om geverifieer te word, om vervalste dokumente hok te slaan.
In onlangse jare sê Nampol het ’n aantal gevalle van vervalste kwalifikasies voorgekom. In 2020 is 238 gevalle aangemeld, en 307 in 2021.
Net in Januarie en Februarie vanjaar is reeds 32 gevalle aangemeld.
Die afgelope paar jaar is altesaam 176 mense vir die vervalsing van kwalifikasies aangekla.
Nampol het beklemtoon die huidige wetgewing oor sertifisering moet verander word om aan die behoeftes van die 21ste eeu te voldoen en dat die bevoegde beamptes meer bevoegdhede en pligte moet kry.
Na die aanbieding het die parlementêre staande komitee tyd gehad om kritiek te lewer en vrae te vra.
Die klem het veral geval op die feit dat nie alle gevalle van bedrog vervolg word nie. Kritiek is ook gelewer omrede talle polisiebeamptes steeds ongekwalifiseerd is.
Sommige beamptes is onder meer glo nie in staat om behoorlik Engels te praat en te skryf nie.
Die Namibiese polisie (Nampol) moes Dinsdag ook vrae van die parlementêre staande komitee oor menslike hulpbronbestuur en gemeenskapsontwikkeling beantwoord.
Die fokus van dié verhore het geval op vervalste kwalifikasies in die openbare domain.
Eerstens is die rol wat Nampol in die sertifisering van dokumente speel, uiteengesit.
Die polisie is verantwoordelik om seker te maak dat die afskrif ’n getroue weergawe van die oorspronklike dokument is. Om dít te verseker moet sekere sekuriteitskenmerke soos reeksnommers nagegaan word.
Nampol het benadruk dat hulle nie verantwoordelik is vir die sertifisering van primêre dokumente nie, maar slegs vir die sertifisering van afskrifte.
Die polisie stuur ook alle aansoekers se kwalifikasies na die Namibië Kwalifikasie-owerheid (NQA) om geverifieer te word, om vervalste dokumente hok te slaan.
In onlangse jare sê Nampol het ’n aantal gevalle van vervalste kwalifikasies voorgekom. In 2020 is 238 gevalle aangemeld, en 307 in 2021.
Net in Januarie en Februarie vanjaar is reeds 32 gevalle aangemeld.
Die afgelope paar jaar is altesaam 176 mense vir die vervalsing van kwalifikasies aangekla.
Nampol het beklemtoon die huidige wetgewing oor sertifisering moet verander word om aan die behoeftes van die 21ste eeu te voldoen en dat die bevoegde beamptes meer bevoegdhede en pligte moet kry.
Na die aanbieding het die parlementêre staande komitee tyd gehad om kritiek te lewer en vrae te vra.
Die klem het veral geval op die feit dat nie alle gevalle van bedrog vervolg word nie. Kritiek is ook gelewer omrede talle polisiebeamptes steeds ongekwalifiseerd is.
Sommige beamptes is onder meer glo nie in staat om behoorlik Engels te praat en te skryf nie.
Kommentaar
Republikein
Geen kommentaar is op hierdie artikel gelaat nie