Regering in hof oor entstowwe
Besware teen vrywaringsvorm
'n Hofsaak is teen die ministerie en die regering aanhangig gemaak waarin meer inligting oor newe-effekte van die entstowwe geëis word.
Kristien Kruger
“Daar is betroubare inligting dat die toediening van entstowwe ’n beduidende risiko vir mense kan inhou. Almal moet toegerus wees met voldoende inligting om ingeligte toestemming te gee voordat ’n entstof aan hulle toegedien word. Waar ’n risiko bestaan, moet daar ’n keuse wees.”
So sê ’n vereniging en vier individue wat die regering en ander partye hof toe sleep en eis dat diegene die inligting bekend maak waarop hulle steun om mense te oortuig dat die Covid-19-entstowwe veilig is.
Die eisers beweer dat die ministerie van gesondheid en maatskaplike dienste van mense vereis om ’n vrywaringsvorm te teken, maar nie vir hulle die nodige inligting gee om ’n ingeligte keuse te maak nie.
Hulle beweer ook dat die Pfizer/BioNTech-entstof onwettig in die land toegedien word.
Die Health Defence League (HDL) is ’n vrywillige vereniging met meer as 500 geregistreerde lede. Dié vereniging se voorsitter, die Windhoekse tandarts dr. Mertin Wucher, het die beëdigde verklaring saamgestel wat op 19 Augustus by die Hoërhof in Windhoek ingedien is.
“Hierdie aansoek gaan nie oor die debat of inenting goed of sleg is nie. Dit gaan oor die reg om inligting te ontvang om sodoende ingeligte keuses te maak.”
VELDTOGTE EN VRYWARING
“Die Namibiese regering het aktief Namibiese burgers aangemoedig om ‘hul deel te doen’ deur teen Covid-19 ingeënt te word.
Die regering en ministerie het in die openbaar verklaar die gebruik van Covid-entstof is ‘veilig en doeltreffend’ vir mense met chroniese siektes en dat entstowwe ‘help om ernstige siektes, hospitalisasie en dood weens Covid-19 te voorkom’,” stel Wucher in sy verklaring.
Volgens Wucher word die regering nogtans verplig om te verseker dat elke persoon wat ingeënt word, ’n vrywaringsvorm teken.
“Die regering moet die moontlike newe-effekte van die entstof uitwys voordat ’n persoon die vorm teken en ingeënt word. Die regering doen dit eenvoudig nie,” lui Wucher se verklaring.
PFIZER/BIONTECH
Wucher verwys in sy verklaring na die Wet op die Beheer van Medisyne en Verwante Middele, nr. 13 van 2003, wat vereis dat medisyne geregistreer moet word.
“Nie een entstof wat in Namibië toegedien word, is volgens hierdie wet geregistreer nie. Ingevolge artikel 45(1) van dié wet, is ses van die Covid-entstowwe wat tans toegedien word, vrygestel van registrasie kragtens artikel 18.”
Die applikante beweer Pfizer/BioNTech is nie ingevolge artikel 18 geregistreer óf ingevolge artikel 45 van registrasie vrygestel nie.
“Die regering dien onwettig hierdie entstof aan Namibiese mense toe.”
Wucher wys ook in sy verklaring uit dat Pfizer/BioNTech die enigste entstof is wat tans aan skoolkinders toegedien word.
NEWE-EFFEKTE
“Lede van die eerste applikant (HDL) het ’n algemene siening wat deur geloofwaardige mediese navorsing gerugsteun word, dat die meeste van die entstowwe steeds eksperimenteel is. Tog beweer die ministerie dat Covid-entstof ‘veilig en doeltreffend’ is, maar dat sommige mense ‘geringe newe-effekte’ kan ervaar.”
Volgens Wucher is die vereniging bewus van verskeie gevalle van mense wat ernstige gesondheidimplikasies ervaar nadat hul ingeënt is.
’n Man van 63 wat een dosis Sinopharm gekry het, het glo sewe dae later ’n lewensgevaarlike episode ervaar en ná 26 dae in die hospitaal is hy ontslaan met 70% verlies aan funksie van sy regterhand en -arm, terwyl sy linkerhand geamputeer is.
Nog ’n pasiënt het na bewering bloedklonte gekry nadat dié 49-jarige die AstraZeneca-entstof geneem het. Een jaar later ervaar sy steeds breinfloutes, moeite om asem te haal, hoofpyne en hartkloppings.
Die vereniging het na bewering ook gevalle gesien van erge bloedklonte wat gelei het tot chroniese moegheid, asook miokarditis en perikarditis.
EISE
Die applikante versoek die hof om die ministerie te beveel om die inligting bekend te maak waarop die respondente steun vir die volgende boodskappe wat aan die Namibiese publiek verkondig is: “Covid-19-entstowwe is veilig en doeltreffend vir mense met chroniese siektes” en “Covid-entstowwe help om ernstige siekte, hospitalisasie en dood weens Covid-19 te voorkom”.
Die applikante versoek die hof om die respondente opdrag te gee om alle inligting in hul besit oor moontlike newe-effekte van entstof bekend te maak, asook die bron van inligting waarop hulle staatmaak dat die entstowwe immuniteit teen Covid tot gevolg het.
Hulle soek ’n antwoord waarom toegelaat is dat Pfizer/BioNTech op ’n onwettige grondslag toegedien word en eis dat die vrywaringsvorms nietig verklaar moet word.
PARTYE
Buiten vir die vereniging, is vier individue ook as applikante gelys. Die tweede applikant is me. Monika Ruppel, ’n administratiewe bestuurder van Swakopmund.
“Sedert kleintyd ly sy aan asma, terwyl haar seun aan chroniese rinitis en asmatiese episodes ly. Sy is nog nie ingeënt nie en wil ’n ingeligte besluit neem,” lui die verklaring.
Die derde en vierde applikante is mnre. Manfred Jochen Förtsch (’n entrepreneur) en Werner Gertz, ’n afgetrede IT-konsultant. Albei is van Windhoek.
“Hulle het spesifiek gevra vir inligting oor die risiko’s en newe-effekte van entstowwe, maar het nie voldoende inligting gekry nie. Hulle is nie in staat om ’n ingeligte besluit te neem nie.”
Die vyfde applikant is mnr. Paul du Plessis, skoolhoof van Dagbreek.
Die respondente is twee ministeries (gesondheid en maatskaplike dienste, asook onderwys, kuns en kultuur), die prokureur-generaal, die president van Namibië, die Namibiese Medisynebeheerraad en die regering.
– [email protected]
“Daar is betroubare inligting dat die toediening van entstowwe ’n beduidende risiko vir mense kan inhou. Almal moet toegerus wees met voldoende inligting om ingeligte toestemming te gee voordat ’n entstof aan hulle toegedien word. Waar ’n risiko bestaan, moet daar ’n keuse wees.”
So sê ’n vereniging en vier individue wat die regering en ander partye hof toe sleep en eis dat diegene die inligting bekend maak waarop hulle steun om mense te oortuig dat die Covid-19-entstowwe veilig is.
Die eisers beweer dat die ministerie van gesondheid en maatskaplike dienste van mense vereis om ’n vrywaringsvorm te teken, maar nie vir hulle die nodige inligting gee om ’n ingeligte keuse te maak nie.
Hulle beweer ook dat die Pfizer/BioNTech-entstof onwettig in die land toegedien word.
Die Health Defence League (HDL) is ’n vrywillige vereniging met meer as 500 geregistreerde lede. Dié vereniging se voorsitter, die Windhoekse tandarts dr. Mertin Wucher, het die beëdigde verklaring saamgestel wat op 19 Augustus by die Hoërhof in Windhoek ingedien is.
“Hierdie aansoek gaan nie oor die debat of inenting goed of sleg is nie. Dit gaan oor die reg om inligting te ontvang om sodoende ingeligte keuses te maak.”
VELDTOGTE EN VRYWARING
“Die Namibiese regering het aktief Namibiese burgers aangemoedig om ‘hul deel te doen’ deur teen Covid-19 ingeënt te word.
Die regering en ministerie het in die openbaar verklaar die gebruik van Covid-entstof is ‘veilig en doeltreffend’ vir mense met chroniese siektes en dat entstowwe ‘help om ernstige siektes, hospitalisasie en dood weens Covid-19 te voorkom’,” stel Wucher in sy verklaring.
Volgens Wucher word die regering nogtans verplig om te verseker dat elke persoon wat ingeënt word, ’n vrywaringsvorm teken.
“Die regering moet die moontlike newe-effekte van die entstof uitwys voordat ’n persoon die vorm teken en ingeënt word. Die regering doen dit eenvoudig nie,” lui Wucher se verklaring.
PFIZER/BIONTECH
Wucher verwys in sy verklaring na die Wet op die Beheer van Medisyne en Verwante Middele, nr. 13 van 2003, wat vereis dat medisyne geregistreer moet word.
“Nie een entstof wat in Namibië toegedien word, is volgens hierdie wet geregistreer nie. Ingevolge artikel 45(1) van dié wet, is ses van die Covid-entstowwe wat tans toegedien word, vrygestel van registrasie kragtens artikel 18.”
Die applikante beweer Pfizer/BioNTech is nie ingevolge artikel 18 geregistreer óf ingevolge artikel 45 van registrasie vrygestel nie.
“Die regering dien onwettig hierdie entstof aan Namibiese mense toe.”
Wucher wys ook in sy verklaring uit dat Pfizer/BioNTech die enigste entstof is wat tans aan skoolkinders toegedien word.
NEWE-EFFEKTE
“Lede van die eerste applikant (HDL) het ’n algemene siening wat deur geloofwaardige mediese navorsing gerugsteun word, dat die meeste van die entstowwe steeds eksperimenteel is. Tog beweer die ministerie dat Covid-entstof ‘veilig en doeltreffend’ is, maar dat sommige mense ‘geringe newe-effekte’ kan ervaar.”
Volgens Wucher is die vereniging bewus van verskeie gevalle van mense wat ernstige gesondheidimplikasies ervaar nadat hul ingeënt is.
’n Man van 63 wat een dosis Sinopharm gekry het, het glo sewe dae later ’n lewensgevaarlike episode ervaar en ná 26 dae in die hospitaal is hy ontslaan met 70% verlies aan funksie van sy regterhand en -arm, terwyl sy linkerhand geamputeer is.
Nog ’n pasiënt het na bewering bloedklonte gekry nadat dié 49-jarige die AstraZeneca-entstof geneem het. Een jaar later ervaar sy steeds breinfloutes, moeite om asem te haal, hoofpyne en hartkloppings.
Die vereniging het na bewering ook gevalle gesien van erge bloedklonte wat gelei het tot chroniese moegheid, asook miokarditis en perikarditis.
EISE
Die applikante versoek die hof om die ministerie te beveel om die inligting bekend te maak waarop die respondente steun vir die volgende boodskappe wat aan die Namibiese publiek verkondig is: “Covid-19-entstowwe is veilig en doeltreffend vir mense met chroniese siektes” en “Covid-entstowwe help om ernstige siekte, hospitalisasie en dood weens Covid-19 te voorkom”.
Die applikante versoek die hof om die respondente opdrag te gee om alle inligting in hul besit oor moontlike newe-effekte van entstof bekend te maak, asook die bron van inligting waarop hulle staatmaak dat die entstowwe immuniteit teen Covid tot gevolg het.
Hulle soek ’n antwoord waarom toegelaat is dat Pfizer/BioNTech op ’n onwettige grondslag toegedien word en eis dat die vrywaringsvorms nietig verklaar moet word.
PARTYE
Buiten vir die vereniging, is vier individue ook as applikante gelys. Die tweede applikant is me. Monika Ruppel, ’n administratiewe bestuurder van Swakopmund.
“Sedert kleintyd ly sy aan asma, terwyl haar seun aan chroniese rinitis en asmatiese episodes ly. Sy is nog nie ingeënt nie en wil ’n ingeligte besluit neem,” lui die verklaring.
Die derde en vierde applikante is mnre. Manfred Jochen Förtsch (’n entrepreneur) en Werner Gertz, ’n afgetrede IT-konsultant. Albei is van Windhoek.
“Hulle het spesifiek gevra vir inligting oor die risiko’s en newe-effekte van entstowwe, maar het nie voldoende inligting gekry nie. Hulle is nie in staat om ’n ingeligte besluit te neem nie.”
Die vyfde applikant is mnr. Paul du Plessis, skoolhoof van Dagbreek.
Die respondente is twee ministeries (gesondheid en maatskaplike dienste, asook onderwys, kuns en kultuur), die prokureur-generaal, die president van Namibië, die Namibiese Medisynebeheerraad en die regering.
– [email protected]
Kommentaar
Republikein
Geen kommentaar is op hierdie artikel gelaat nie