Namibië se topjoernaliste vereer
Lazarus Amukeshe as Joernalis van die Jaar aangewys
Die geleentheid het plaasgevind enkele dae nadat Namibië ook in Ouagadougou, Burkina Faso, vereer is as die Afrikaland met die meeste persvryheid.
Die Redakteursforum van Namibië (EFN) het Namibië se topjoernaliste in verskeie kategorieë vereer tydens ’n glansgeleentheid by Droombos wat president Hage Geingob ook bygewoon het. President Geingob het tydens die geleentheid die hoop uitgespreek dat die vryheid wat media in die land geniet, sal voortduur wanneer sy ampstermyn tot ’n einde kom.
Die geleentheid het plaasgevind enkele dae nadat Namibië ook in Ouagadougou, Burkina Faso, vereer is as die Afrikaland met die meeste persvryheid. Onder die eregaste tydens Donderdagaand se spoggeleentheid was die Israeliese historikus en skrywer Yuval Noah Harari, asook die bekende Suid-Afrikaanse ondersoekende joernalis Jacques Pauw.
Lazarus Amukeshe is as Namibië se Joernalis van die Jaar aangewys en was ook die wenner in die kategorie vir sake, finansies en ekonomiese ontwikkeling.
Shinovene Immanuel is saam met Tileni Mongudhi en Mathias Haufiku bekroon as die beste joernaliste in die kategorie vir politiek en openbare bestuur, terwyl Charmaine Ngatjiheue saam met James Jamu in die kategorie vir mynbou en energie gewen het. Mercy Karuuombe is as die wenner in die kategorie vir opvoeding, gesondheid en maatskaplike ontwikkeling gekroon. Al dié joernaliste was in 2020 en 2021 by die dagblad The Namibian werksaam. Joyce Kondo is in die kategorie vir visuele storievertelling as wenner gekies, terwyl Timo Shihepo saam met Sam Sole in die kategorie vir landbou, omgewing, bosbou en visserye die gesamentlike wenners was. Kondo, Shihepo en Sole is almal vryskutjoernaliste.
July Nafuka van die nasionale uitsaaier NBC was ook ’n wenner in die kategorie vir landbou, omgewing, bosbou en visserye.
Kosmos 94.1 se Yanna Smith was ook ’n wenner in die kategorie vir politiek en openbare bestuur. Republikein se sportverslaggewer Tielman van Lill is aangewys as die beste sportjoernalis in die land. Elke wenner het ’n sertifikaat ontvang, met prysgeld van N$15 000 per kategorie.
Die hoofborg was FNB Namibia, met ander borge wat die Ohlthaver en List (O&L)-maatskappygroep, Old Mutual, Cecil Nurse, Hollard Namibia, Feedmaster en die One Pencil Project ingesluit het.
- [email protected]
Die geleentheid het plaasgevind enkele dae nadat Namibië ook in Ouagadougou, Burkina Faso, vereer is as die Afrikaland met die meeste persvryheid. Onder die eregaste tydens Donderdagaand se spoggeleentheid was die Israeliese historikus en skrywer Yuval Noah Harari, asook die bekende Suid-Afrikaanse ondersoekende joernalis Jacques Pauw.
Lazarus Amukeshe is as Namibië se Joernalis van die Jaar aangewys en was ook die wenner in die kategorie vir sake, finansies en ekonomiese ontwikkeling.
Shinovene Immanuel is saam met Tileni Mongudhi en Mathias Haufiku bekroon as die beste joernaliste in die kategorie vir politiek en openbare bestuur, terwyl Charmaine Ngatjiheue saam met James Jamu in die kategorie vir mynbou en energie gewen het. Mercy Karuuombe is as die wenner in die kategorie vir opvoeding, gesondheid en maatskaplike ontwikkeling gekroon. Al dié joernaliste was in 2020 en 2021 by die dagblad The Namibian werksaam. Joyce Kondo is in die kategorie vir visuele storievertelling as wenner gekies, terwyl Timo Shihepo saam met Sam Sole in die kategorie vir landbou, omgewing, bosbou en visserye die gesamentlike wenners was. Kondo, Shihepo en Sole is almal vryskutjoernaliste.
July Nafuka van die nasionale uitsaaier NBC was ook ’n wenner in die kategorie vir landbou, omgewing, bosbou en visserye.
Kosmos 94.1 se Yanna Smith was ook ’n wenner in die kategorie vir politiek en openbare bestuur. Republikein se sportverslaggewer Tielman van Lill is aangewys as die beste sportjoernalis in die land. Elke wenner het ’n sertifikaat ontvang, met prysgeld van N$15 000 per kategorie.
Die hoofborg was FNB Namibia, met ander borge wat die Ohlthaver en List (O&L)-maatskappygroep, Old Mutual, Cecil Nurse, Hollard Namibia, Feedmaster en die One Pencil Project ingesluit het.
- [email protected]
Kommentaar
Republikein
Geen kommentaar is op hierdie artikel gelaat nie