Wat beteken SAT 1?

SAT 1 is die serotipe van die bek-en-klouseer (BKS)-virus wat in die uitbreking by Karasburg bevestig is, volgens die minister van landbou, visserye, water en grondhervorming se verklaring op 3 Oktober 2026.Die BKS-virus het sewe erkende serotipes: O, A, C, Asië 1, SAT 1, SAT 2 en SAT 3 (SAT staan vir Suider-Afrikaanse gebiede). Elke serotipe is uniek en immuniteit teen die een bied nie noodwendig beskerming aan ’n dier teen ’n ander nie. Die identifisering van die serotipe is dus noodsaaklik om te bepaal watter entstof geskik is om ’n BKS-uitbreking te beheer.SAT1 is nie nuut in Namibië nie. Afrika-buffels kan SAT-virusse dra en vorige uitbrekings noord van die veterinêre kordonheining het SAT 1, SAT 2 en SAT 3 behels. Serotipe O is vir die eerste keer in 2021 in Namibië waargeneem. Die identifisering van die serotipe bepaal egter nie waar die huidige uitbreking ontstaan het nie. Die opsporing van SAT 1 beteken nie op sigself dat die virus van buffels afkomstig is nie.Genetiese volgordebepaling en die nasporing van die beweging van lewende hawe kan ondersoekers help om die virus se oorsprong en die wyse waarop dit versprei het, vas te stel. Tot die direktoraat van veeartsenydienste (DVS) sy bevindinge bekend maak, moet die spesifieke bron vir die uitbreking nie aangeneem word nie.Besoek https://www.fmdsupportfund.com/ vir die jongste inligting.

Wat beteken SAT 1?

Kommentaar

Republikein 2026-10-13

Meld asseblief aan om kommentaar te lewer

Wat beteken SAT 1?

Kommentaar

Republikein 2026-10-13

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.