Vyf groenskemas ‘sal relatief goed presteer’

Ellanie Smit -Vyf groenskemas in Namibië sal na verwagting vanjaar ’n opbrengs van 6 732 ton mielies lewer, wat sal help om die land se invoerrekening vir basiese graan en graanprodukte geleidelik te verminder.Volgens die ministerie van landbou, water en grondhervorming sal die vyf groenskemas in staatsbesit, wat onder die bestuur van Agribusdev was, ná etlike jare van beperkte produksie-uitset na verwagting vanjaar relatief goed presteer.Die groenskemas ter sprake is die Sikondo Irrigation- besproeiingsprojek, die Ndonga Linena-besproeiingsprojek, die Uvungu-Vhungu-besproeiingsprojek, die Shadikongoro-besproeiingsprojek, en die Etunda-besproeiingsprojek.Teen die einde van verlede jaar het die kabinet ’n besluit geneem om die groenskemas weer onder die ministerie te plaas. Fondse is bewillig vir die aankoop van landbou-insette en die opknapping van noodsaaklike besproeiingsinfrastruktuur.Die ministerie het gesê dat hy weens begrotingsbeperkings slegs genoeg hulpbronne kon insamel om produksie by die vyf groenskemas te begin. Gedurende die laaste kwartaal van 2022, wat ooreenstem met die somerperiode van die gewasproduksiekalender, was mielies die primêre gewas wat deur die vyf groenskemas en boere verbou is.HARD AAN DIE WERKDie Sikondo-besproeiingsprojek, wat bestaan uit 350 besproeibare hektaar en ’n bykomende 250 hektaar wat aan medium- en kleinskaalse boere toegewys is, het tans 166 hektaar mielies wat gereed is om geoes te word. Boonop is daar in Maart vanjaar aartappels op 9,5 hektaar grond binne die projek verbou.Sowat 90 tydelike werksgeleenthede is geskep om die velde by die projek te bewerk. Indien daar geen hindernisse soos plaagbesmettings of weeruitdagings is nie, word verwag dat 50 tot 60 ton aartappels per hektaar geoes sal word.By die Uvungu-Vhungu Groenskema-besproeiingsprojek, wat oor 352 hektaar kommersiële grond strek, is 84 hektaar grond aan kleinskaalse boere toegeken, terwyl 250 hektaar aan mediumskaalse boere toegeken is.PLANNE IN PLEK Die ministerie het gesê vir die winterseisoen het die plaas altesaam 304 hektaar onder mielieproduksie.By die Ndonga Linena Groenskema-besproeiingsprojek beoog werkers om koring en voer gedurende die winterseisoen te saai. Dit het altesaam 432 hektaar kommersiële grond wat besproeibaar is, en 174 hektaar is aan klein- en mediumskaalse boere toegeken.Die projek het hierdie seisoen baie uitdagings met reën ondervind, wat produksie beïnvloed het.Die Shadikongoro-besproeiingsprojek is nog ’n groenskema wat beplan om koring te saai ná sy mielieproduksie. Dit sal na raming 9 tot 10 ton mielies per hektaar lewer. Die groenskema het ’n totaal van 300 hektaar kommersiële besproeibare grond, met 90 hektaar wat aan kleinskaalse boere toegeken is. Hulle verwag ’n oes van 1 500 ton graan.Intussen beoog die Etunda Groenskema-besproeiingsprojek om 5 tot 6 ton mielies per hektaar te produseer. Dit het altesaam 600 hektaar wat besproei word. – republikein@republikein.com.na

Vyf groenskemas ‘sal relatief goed presteer’

Kommentaar

Republikein 2025-11-04

Meld asseblief aan om kommentaar te lewer

Vyf groenskemas ‘sal relatief goed presteer’

Kommentaar

Republikein 2025-11-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.