Subsidie vir entstof teen knopvelsiekte beskikbaar

Die nasionale subsidie vir entstof teen knopvelsiekte wat deur die Lewendehawe en Lewendehaweprodukteraad van Namibië (LLPBN) ingestel is, is steeds van krag. Die program bied ’n 15%-subsidie op goedgekeurde entstowwe en is daarop gemik om beesprodusente te ondersteun in die beskerming van hul kuddes teen hierdie siekte.Die subsidie is beskikbaar aan produsente wat eerste in die ry staan met beperkte fondse per tydperk. Produsente word dus aangemoedig om betyds aansoek te doen om voordeel uit die program te trek.Om te kwalifiseer, moet boere by die LLPBN geregistreer wees, goedgekeurde entstowwe aankoop, die oorspronklike kwitansie (of ’n gesertifiseerde afskrif) behou, hul beeste ent en ’n eis indien saam met ’n onlangse bankbevestigingsbrief. Eise is beperk tot 350 dosisse per produsent per subsidietydperk en alle aansoeke word teen die nasionale kudde-databasis geverifieer voordat betaling gemaak word.Die huidige subsidietydperk strek tot 31 Maart 2026 met ’n nuwe siklus wat tot 31 Maart 2027 sal voortduur. Betalings word gewoonlik binne ongeveer een maand ná suksesvolle verifikasie gemaak.Produsente word deur die Namibië Landbou-unie (NLU) aangemoedig om van hierdie inisiatief gebruik te maak – nie net om koste te verminder nie, maar ook om kuddegesondheid te versterk en die risiko’s verbonde aan knopvelsiekte te beperk.Vir meer inligting of hulp met eise, kan boere die LLPBN via WhatsApp of selfoon by 081 465 4781 of per e-pos by lsd@nammic.com.na kontak. – NLU

Subsidie vir entstof teen knopvelsiekte beskikbaar

Kommentaar

Republikein 2026-07-22

Meld asseblief aan om kommentaar te lewer

Subsidie vir entstof teen knopvelsiekte beskikbaar

Kommentaar

Republikein 2026-07-22

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.