Sonop BV is braaikampioene
Skaapboerinne braai beste beesrib
Gobabis se boerespanne was brandrissiewarm tydens die NLU Agribraai met twee van die distrik se boereverenigings, Sonop en Omuramba, wat met die louere weggestap het.
Die Sonop Boerevereniging (BV) is as die braaikampioene uit 12 boerespanne gekroon en 2023 se wenners, Omuramba BV, is in die tweede plek met NLU Agribraai wat dus volgende jaar weer Ooste toe gaan.
In die derde plek is ’n vrouespan van Koës BV wat die beste beesrib en tweede beste voorgereg op die vuur volgens die Mexikaanse tema “Buenos Amigos” gebraai het.
“Ons is skaapboere, maar ons het ’n beter rib as die beesboere gebraai,” het die span van die verre Suide geskerts. Sonop BV het die tweede beste heel beesrib gebraai en Abenab BV in die derde plek. Die jong manne van die Abenab-‘kartel’ het ook die geesbeker gewen en spog met die skoonste kombuis en mooiste stalletjie waar allerhande “smokkelware” uitgestal was.
Volgens die beoordelaars, Jeff Schueremans, Borries Bornmann, Danie Opperman en Riana Boy, verhoog die standaard van die braaiers elke jaar. (Volg die skakel hier: https://q.my.na/10F9). Vanjaar is die braaispanne verras met twee geheime bestanddele, lewer en ’n appel, wat in die taco-voorgereg gebruik moes word.
Witvlei BV was die wenners in die voorgereg-afdeling, Koës tweede en Omuramba in die derde plek.
Die musikale Hanssens van Kalkfeld BV het nie net die kitaar- en hartsnare geroer met hul puik sang nie, maar was ook die wenners van die churro-nagereg, gevolg deur Epikuro in die tweede plek en Witvlei BV derde.
SOSIALE SPANNE
Uit die agt sosiale spanne het die Buffelbulle van Suid-Afrika koning gekraai met Agra in die tweede plek en Die Biere derde.
Agra spog egter met die beste hoofgereg, gevolg deur die Buffelbulle en die NLU Jongboere in die derde plek wat ook die beste spangees gehad het.
Die Buffelbulle is die wenners van die voorgereg, gevolg deur Agra en Taco Revolution in die derde plek. Die Buffelbulle het ook die beste nagereg voorgesit met Die Biere die naaswenners en Feedmaster in die derde plek.
– [email protected]
Die Sonop Boerevereniging (BV) is as die braaikampioene uit 12 boerespanne gekroon en 2023 se wenners, Omuramba BV, is in die tweede plek met NLU Agribraai wat dus volgende jaar weer Ooste toe gaan.
In die derde plek is ’n vrouespan van Koës BV wat die beste beesrib en tweede beste voorgereg op die vuur volgens die Mexikaanse tema “Buenos Amigos” gebraai het.
“Ons is skaapboere, maar ons het ’n beter rib as die beesboere gebraai,” het die span van die verre Suide geskerts. Sonop BV het die tweede beste heel beesrib gebraai en Abenab BV in die derde plek. Die jong manne van die Abenab-‘kartel’ het ook die geesbeker gewen en spog met die skoonste kombuis en mooiste stalletjie waar allerhande “smokkelware” uitgestal was.
Volgens die beoordelaars, Jeff Schueremans, Borries Bornmann, Danie Opperman en Riana Boy, verhoog die standaard van die braaiers elke jaar. (Volg die skakel hier: https://q.my.na/10F9). Vanjaar is die braaispanne verras met twee geheime bestanddele, lewer en ’n appel, wat in die taco-voorgereg gebruik moes word.
Witvlei BV was die wenners in die voorgereg-afdeling, Koës tweede en Omuramba in die derde plek.
Die musikale Hanssens van Kalkfeld BV het nie net die kitaar- en hartsnare geroer met hul puik sang nie, maar was ook die wenners van die churro-nagereg, gevolg deur Epikuro in die tweede plek en Witvlei BV derde.
SOSIALE SPANNE
Uit die agt sosiale spanne het die Buffelbulle van Suid-Afrika koning gekraai met Agra in die tweede plek en Die Biere derde.
Agra spog egter met die beste hoofgereg, gevolg deur die Buffelbulle en die NLU Jongboere in die derde plek wat ook die beste spangees gehad het.
Die Buffelbulle is die wenners van die voorgereg, gevolg deur Agra en Taco Revolution in die derde plek. Die Buffelbulle het ook die beste nagereg voorgesit met Die Biere die naaswenners en Feedmaster in die derde plek.
– [email protected]
Kommentaar
Republikein
Geen kommentaar is op hierdie artikel gelaat nie