Silo’s se graanvoorraad laag

Ellanie Smit - Aan die einde van verlede maand was Namibië se graanbergingsfasiliteite se voorraadvlakke op slegs 16% van hul algehele bergingskapasiteit.Die nasionale strategiese voedselreserwes (NSFR), wat in verskillende gebiede van die land geleë is, het op 31 Julie vanjaar ’n totale voorraadvlak van 3 560 ton gehad.Die totale bergingskapasiteit van hierdie fasiliteite is 22 900 ton, volgens die Julie-verslag oor gewasvooruitsigte, voedselsekerheid en die droogtesituasie – wat onlangs deur die ministerie van landbou, water en grondhervorming uitgereik is. VIR VERLIGTING UITGEDEEL Volgens die verslag is die huidige voorraad in die silo’s van die afgelope seisoen oorgedra.Intussen het die nasionale graanverkrygingseisoen in Mei 2023 begin om die silo’s se voorraad aan te vul. Die proses sal tot volgende maand duur, of tot tyd en wyl alle plaaslike produksie geabsorbeer is.Volgens die Landboubemarkings- en Handelsagentskap (Amta) het die witmielie-inname op 14 Junie afgeskop, terwyl die inname van mahangu vanaf 1 Julie aan die gang is.“Dit is belangrik om daarop te let dat baie van die graan wat van verlede jaar in die silo’s opgeberg kon gewees het, gemaal en direk aan behoeftiges versprei word as deel van die regering se droogtehulp-voedselbystand.”Verder is van die grane aan plaaslike kleinskaalse meulenaars verkoop wat geen of beperkte kapasiteit het om in te voer.GEREKENDE TEKORTAmta beoog om vanjaar 10 125 ton graan, 2 250 ton mahangu en 7 875 ton witmielies uit plaaslike produksie gedurende die 2023-graanbemarkingseisoen te verkry.As gevolg van ’n swak oes is die mahanguvolume egter verminder, terwyl witmielies verhoog is na aanleiding van ’n beter oes uit mielieproduserende gebiede – insluitend die groenskemas.Intussen word plaaslik beskikbare graan vir die bemarkingseisoen van 1 Mei tot 30 April 2024 op 192 700 ton geraam.“Dit dui daarop dat die plaaslike produksie vir hierdie seisoen slegs sowat 52% van die totale nasionale graanbehoefte is.”Luidens die verslag is daar ’n geraamde tekort van 179 100 ton, wat 48% van die nasionale graanbehoefte is.Die tekort, bestaande uit 50 100 ton koring, 70 500 ton mielies en 58 600 ton mahangu en sorghum, sal na verwagting deur kommersiële invoer gedek word.Soos sake nou staan, is daar steeds ’n totale tekort van sowat 173 800 ton graan wat nog deur kommersiële invoer gedurende die 2023-’24-bemarkingsjaar gedek moet word. – republikein@republikein.com.na

Silo’s se graanvoorraad laag

Kommentaar

Republikein 2025-05-02

Meld asseblief aan om kommentaar te lewer

Silo’s se graanvoorraad laag

Kommentaar

Republikein 2025-05-02

Meld asseblief aan om kommentaar te lewer

MELD AAN

Advertensie