Savanna Beef-beleggings op N$102 miljoen

Beleggings deur beesprodusente in Savanna Beef Processors (SBP) het Vrydag om 17:00 op presies N$102,78 miljoen gestaan, met altesaam 272 beesprodusente wat hierin belê het.Die Forum vir die Beesvleiswaardeketting (BVCF) het Vrydag in ŉ kennisgewing aan lede gesê hul tweede mylpaal van N$100 miljoen is Vrydag reeds verbygesteek en dat daar sterk ondersteuning uit produsente-geledere ontvang is.“Verlede week Vrydag het ons nog op N$83,57 miljoen gestaan, met 186 beesprodusente wat beleggingsaansoeke gebring het. ŉ Week later staan ons op bykans N$20 miljoen méér.“Terwyl meerderheidsaandeelhouding deur produsente nou in sig is, moet ons seker maak ons verbeter ons aandeelhouding vér bo 50%. Dit sal ŉ stabiliserende uitwerking op die produsent-beheerde, verwerkingsaanleg en bemarkingsfasiliteit vir beesvleis hê,” het die BVCF gesê.Terselfdertyd kry die forum self ook voortdurend nuwe lede. Tans staan hul ledetal op 460 opbetaalde lede. “Vrydag 24 Junie is die sluitingsdatum vir produsente om aandele te kan koop. Ons doen dus ŉ beroep op produsente om hul finale reëlings te tref en seker te maak dat alle geld na die gegewe bankrekening oorbetaal is.“Cirrus Capital is die afgelope week oorval deur administratiewe werk om die aansoeke om aandele te finaliseer,” het die forum gesê.

Savanna Beef-beleggings op N$102 miljoen

Kommentaar

Republikein 2022-06-29

Meld asseblief aan om kommentaar te lewer

Savanna Beef-beleggings op N$102 miljoen

Kommentaar

Republikein 2022-06-29

Meld asseblief aan om kommentaar te lewer

MELD AAN