Plaas desperaat vir water

’n Plaas 48 kilometer buite Otjiwarongo het dringend hulp in die vorrm van noodwatervoorrade nodig, nadat drie boorgate geen water gelewer het nie. Vee op die plaas is afhanklik van ‘n gronddam waarvan die watervlak toenemend daal. Henriette le Grange, voorsitter van Namibië Boere Droogtehulp het in ‘n onderhoud met Republikein gesê die plaas, Jobos 169, het dringend ’n watertenkwa met ’n kapasiteit van 18 000 liter nodig om die dam aan te vul, terwyl daar aan ’n langtermynoplossing vir water gewerk word.“Hulle sukkel gewoonlik met water. Die boorgate wat hulle geboor het, was almal droog,” het Le Grange gesê.Die water kan by ’n plek sowat 10 kilometer van die plaas gehaal word, maar die onmiddellike uitdaging is om ’n tenkwa te kry om dit te vervoer.Volgens Le Grange het die gronddam nog nie heeltemal opgedroog nie, maar daal die watervlak daagliks.Namibië Boere Droogtehulp probeer ook om die plaas te help met die aanlê van ’n pyplyn van drie kilometer vanaf ’n naburige plaas wat oor genoeg water beskik.Die projek sal egter na verwagting byna N$30 000 net vir die pype kos. Dit plaas bykomende finansiële druk op die boer, wat reeds aansienlike bedrae bestee het aan die boor van drie onsuksesvolle boorgate.Le Grange het gesê befondsing vir droogtehulp kan N$30 000 tot die ingryping bydra, maar bykomende fondse sal steeds nodig wees. Teen Saterdag was 21 uit die 30 pype wat benodig word, danksy die ingryping van Namibië Boere Droogtehulp teen N$1 000 'n pyp reeds geborg.Volgens Le Grange sal selfs ’n enkele aflewering per tenkwa tydelike verligting bied, terwyl daar aan die pyplynprojek gewerk word.Die terrein tussen die twee plase kan ook die werk bemoeilik. Daar word vermoed dat die gebied uit gruis en rotsagtige grond bestaan, wat uitgrawings moeiliker kan maak.Die situasie word verder bemoeilik deur die voortgesette beperking op die beweging van diere met gesplete hoewe, weens die uitbreking van bek-en-klouseer (BKS). Dit verhoed boere om hul beeste na ander plase of waterbronne te verskuif.Le Grange het gesê die beperkings laat die betrokke boere met min opsies om die tekort aan te spreek.Republikein het die eienaar van Jobos 169 om kommentaar genader nadat ’n plakkaat op sosiale media, waarin om waterhulp vir die plaas gevra is, aanlyn versprei het. Die eienaar kon egter ten spyte van verskeie oproepe en boodskappe nie bereik word nie. - phillipus@nmh-hub.com.na

Plaas desperaat vir water

Kommentaar

Republikein 2026-11-16

Meld asseblief aan om kommentaar te lewer

Plaas desperaat vir water

Kommentaar

Republikein 2026-11-16

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.