Namibiese vroue het uitstekende grondregte
Volgens die FAO is die meeste Namibiërs – net minder as 90% - ten gunste daarvan dat vroue grond besit of regte tot die benutting daarvan het.
Namibië is een van die min lande in die wêreld waar vroue meer eienaarskap of verblyfsreg oor grond het as mans.
Daarbenewens word Namibië uitgesonder as een van die voorste lande as dit kom by wets- en beleidshervorming tot voordeel van vroue se regte tot grond.
Dit aldus ‘n nuwe verslag deur die Verenigde Nasies (VN) se Voedsel- en Landbouorganisasie (FAO), waarvolgens gelykheid vir vroue in landbou-voedselstelsels die wêreldwye ekonomie ‘n hupstoot van US$1 triljoen kan bied. Daarbenewens kan dit glo ’n gebrek aan voedselsekuriteit vir 45 miljoen mense uit die weg ruim.
Volgens die FAO-verslag is die wetlike beskerming van vroue se grondregte laag in tot 50% van wêreldlande.
Daarteenoor het Namibië ‘n baie hoë telling van vyf uit ses ontvang.
Afrikalande wat beter as Namibië gevaar het sluit in Burkina Faso, Ethiopië en Rwanda, terwyl Tanzanië, Uganda en Kenia dieselfde punte as Namibië ontvang het. Namibië oortref egter Europese lande soos Switzerland, Italië en selfs Duitsland in terme van die puntetoekenning.
MAATSTAWWE
Ses maatstawwe is vir dié verslag gebruik. Dit sluit in vroue se regte tot gesamentlike registrasie van grond, eggenotes se toestemming vir grondtransaksies, gelyke erfenisregte vir vroue in boedels asook die toekenning van geldelike hulpbronne om vroue se grondeienaarskapregte te versterk.
Ander maatstawwe behels die beskerming van vroue se regte tot grond binne gewoontereg en kwotas vir vroue se deelname in grondbestuur.
Namibië, Malawi, die Comore-eilande en Lesotho is die enigste lande waar die balans van eienaarskap van grond of regte tot grond na vroue se kant toe oorhel – met mans wat sowat 25% van die regte besit, terwyl Namibiese vroue s’n net kort voor 30% staan.
Dit maak van Namibië ‘n ware uitsondering, want uit die 46 lande wat by die verslag ingesluit is, is daar net ses waar vroue toegang tot die meeste grond het. In 40 van die lande behoort die meederheid grond aan mans, of het hulle die meeste regte tot die benutting van grond.
Luidens die verslag is die meeste Namibiërs – net minder as 90% - ten gunste daarvan dat vroue grond besit of regte tot die benutting daarvan het.
Volgens die FAO is landbou-voedselstelsels wêreldwyd een van sektore waarin die meeste vroue werksaam is. Hulle maak dus in verskeie lande ‘n lewensbestaan hieruit – in ‘n groter mate as mans.
Die verslag getiteld “The status of women in agrifood systems” is die eerste van sy soort sedert 2010. Dit kyk na meer as net landbou om ‘n groter geheelbeeld te kan skep van die status van vroue wat binne dié stelsel werksaam is – van produksie tot verbruik.
Hiervolgens werk tot 36% van vroue wêreldwyd binne die sektor, terwyl 38% van mans daarin werksaam is. Tog is vroue in die sektor meer gemarginaliseerd en is hul werkstoestande dikwels slegter. Hulle werkstye is dikwels ongereeld en hulle werk informeel en deeltyds, terwyl dit arbeidsintensief is en nie veel vaardighede vereis nie.
Vroue in die sektor verdien ook net sowat 82% vir elke US$1 wat mans verdien.
[email protected]
Daarbenewens word Namibië uitgesonder as een van die voorste lande as dit kom by wets- en beleidshervorming tot voordeel van vroue se regte tot grond.
Dit aldus ‘n nuwe verslag deur die Verenigde Nasies (VN) se Voedsel- en Landbouorganisasie (FAO), waarvolgens gelykheid vir vroue in landbou-voedselstelsels die wêreldwye ekonomie ‘n hupstoot van US$1 triljoen kan bied. Daarbenewens kan dit glo ’n gebrek aan voedselsekuriteit vir 45 miljoen mense uit die weg ruim.
Volgens die FAO-verslag is die wetlike beskerming van vroue se grondregte laag in tot 50% van wêreldlande.
Daarteenoor het Namibië ‘n baie hoë telling van vyf uit ses ontvang.
Afrikalande wat beter as Namibië gevaar het sluit in Burkina Faso, Ethiopië en Rwanda, terwyl Tanzanië, Uganda en Kenia dieselfde punte as Namibië ontvang het. Namibië oortref egter Europese lande soos Switzerland, Italië en selfs Duitsland in terme van die puntetoekenning.
MAATSTAWWE
Ses maatstawwe is vir dié verslag gebruik. Dit sluit in vroue se regte tot gesamentlike registrasie van grond, eggenotes se toestemming vir grondtransaksies, gelyke erfenisregte vir vroue in boedels asook die toekenning van geldelike hulpbronne om vroue se grondeienaarskapregte te versterk.
Ander maatstawwe behels die beskerming van vroue se regte tot grond binne gewoontereg en kwotas vir vroue se deelname in grondbestuur.
Namibië, Malawi, die Comore-eilande en Lesotho is die enigste lande waar die balans van eienaarskap van grond of regte tot grond na vroue se kant toe oorhel – met mans wat sowat 25% van die regte besit, terwyl Namibiese vroue s’n net kort voor 30% staan.
Dit maak van Namibië ‘n ware uitsondering, want uit die 46 lande wat by die verslag ingesluit is, is daar net ses waar vroue toegang tot die meeste grond het. In 40 van die lande behoort die meederheid grond aan mans, of het hulle die meeste regte tot die benutting van grond.
Luidens die verslag is die meeste Namibiërs – net minder as 90% - ten gunste daarvan dat vroue grond besit of regte tot die benutting daarvan het.
Volgens die FAO is landbou-voedselstelsels wêreldwyd een van sektore waarin die meeste vroue werksaam is. Hulle maak dus in verskeie lande ‘n lewensbestaan hieruit – in ‘n groter mate as mans.
Die verslag getiteld “The status of women in agrifood systems” is die eerste van sy soort sedert 2010. Dit kyk na meer as net landbou om ‘n groter geheelbeeld te kan skep van die status van vroue wat binne dié stelsel werksaam is – van produksie tot verbruik.
Hiervolgens werk tot 36% van vroue wêreldwyd binne die sektor, terwyl 38% van mans daarin werksaam is. Tog is vroue in die sektor meer gemarginaliseerd en is hul werkstoestande dikwels slegter. Hulle werkstye is dikwels ongereeld en hulle werk informeel en deeltyds, terwyl dit arbeidsintensief is en nie veel vaardighede vereis nie.
Vroue in die sektor verdien ook net sowat 82% vir elke US$1 wat mans verdien.
[email protected]
Kommentaar
Republikein
Geen kommentaar is op hierdie artikel gelaat nie