Namibiese druiweseisoen skop vandeesweek af

Die Namibiese druiweseisoen begin vandeesweek in alle erns. ’n Klein hoeveelheid tafeldruiwe sal hierdie week verpak word en vanaf week 46 (teen die tweede week van November) sal die groot volumes begin vloei, sê .

Die vereniging verwag vanjaar ‘n geraamde oes van 8,6 miljoen van die 4,5 kg kartonne waarin die druiwe verpak word. Dit is 'n miljoen kartonne meer as verlede jaar toe die oes aansienlik ligter was as wat aanvanklik verwag is, het Bothma aan FreshPlaza, aanlyn nuusblad vir die varsproduktebedryf, gesê.

“Daar hang beslis genoeg druiwe in die wingerde om aan vanjaar se skatting te voldoen en die druiwe lyk baie goed,” sê hy. “Dit is nie ’n vroeë seisoen nie, ons begin op die gewone tyd oes.”

Hy verwag dat 'n gaping waarskynlik gedurende die vroeë seisoen in Europa kan ontwikkel namate druiwe-uitvoerders uit Suid-Amerika hulle druiwe nader sal bemark weens verskepingskoste.

“Ons verwag dat daar minder druiwe in Europa beskikbaar sal wees. Almal sal probeer om markte nader aan die huis te vind,” sê Bothma.

AFRIKA-MARKTE ONTWIKKEL VINNIG

Europa en die Verenigde Koningkryk (VK) is steeds die steunpilaarmarkte vir Namibiese (en Suid-Afrikaanse) druiwe. Die eerste Suid-Afrikaanse druiwe word ook volgende week geoes.

Markte in Afrika ontwikkel egter goed en teen 'n vinnige pas vir Suider-Afrikaanse druiwe, en absorbeer tussen 5% en 8% van die totale uitvoer van tafeldruiwe.

Volgens Bothma verkies Afrika-aankopers (dikwels vir supermarkte) toenemend ‘n hoër spesifikasie tafeldruiwe, wat 'n positiewe ontwikkeling vir die bedryf is.

Namibië het nog nie tafeldruiftoegang tot China nie. “Ons stuur wel druiwe na Maleisië en Singapoer. Nie groot volumes nie; ongeveer 2% van ons druiwe sal waarskynlik na die Verre Ooste gaan,” sê hy.

Verder sal Namibië ook druiwe na Suid-Afrika uitvoer. Dié mark is altyd goed so vroeg in die seisoen, maar dit val ook altyd baie vinnig namate die aanbod optel, sê Bothma.

KOSTE-ELEMENT ENKELE GROOTSTE UITDAGING

Die koste-element produsente se grootste uitdaging. “Om die hele waardeketting te bestuur, en terselfdertyd koste so ver moontlik te beheer, is die grootste enkele uitdaging wat tafeldruifprodusente hierdie seisoen in die gesig staar,” sê hy.

“Daar is tekens dat verskepingskoste begin daal, maar die Kaapstadse hawe bly ’n uitdaging, so ook Suid-Afrika se kragonderbrekings en beurtkrag.”

Namibiese druiwe word in verkoelde houers verpak en met vragmotors oor die grens na die hawe van Kaapstad vervoer, wat vrygestel is van beurtkrag. Die naasliggende koelkamers (wanneer daar byvoorbeeld nie proppunte by die hawe vir verkoeling beskikbaar is nie), is wel aan die buurland se geskeduleerde kragonderbrekings onderwerp, het hy Bothma aan FreshPlaza gesê.

Anders as Suid-Afrika het Namibië stabiele kragvoorsiening. Ironies genoeg steun Namibië deels op ingevoerde Suid-Afrikaanse elektrisiteit, maar brei toenemend elektrsiteitsvoorsiening na volhoubare opwekkingsbronne soos sonkrag uit.

"Die Namibiese regering het baie in groen energie belê en 'n groot hoeveelheid sonkragplase en windturbines is die afgelope jaar opgerig,” het hy in die onderhoud verduidelik. [email protected]