NAB voer stryd teen oorgrenssmokkelary

Ellanie Smit – Die oorgrenssmokkelary van landbou- en tuinbouprodukte stel ’n groot uitdaging vir Namibië se landbousektor.“In hierdie konteks verwys oorgrenssmokkelary na die onwettige beweging van beheerde landbou- en tuinbougoedere na of uit die land,” het die Namibiese Akkerbouraad (NAB) verduidelik.Dit behels die ongemagtigde vervoer van produkte oor grense sonder om aan relevante regulasies, pligte en belasting te voldoen, het die NAB bygevoeg.Ekonomiese winste dien as die hoofmotivering vir individue wat betrokke is by oorgrenssmokkelary.“Deur invoer- of uitvoerpligte te ontduik, verminder smokkelaars hul koste en verhoog hul winste deur die produkte teen laer pryse te verkoop, en sodoende ondermyn hulle wettige Namibiese besighede.”VEILIGHEIDSRISIKO Smokkelary gee aanleiding tot verskeie probleme, het die vereniging opgemerk.“Dit ondermyn Namibiese wette en skep daardeur ’n ongelyke speelveld vir wettige besighede.”Tweedens hou dit ’n risiko in vir voedselveiligheid en kwaliteitstandaarde aangesien ongereguleerde produkte van onbekende oorsprong die mark binnekom, en sodoende die gesondheid van burgers in gevaar stel, het die NAB gesê.Smokkelary lei ook tot verlore inkomste vir die land, aangesien heffings en tariewe onbetaald bly, wat die groei en ontwikkeling van die plaaslike akkerbou- en tuinbousektore belemmer.“Hoewel die presiese syfers van die verliese wat gely is moeilik is om te bepaal, het die meeste gesmokkelde produkte ’n gemiddelde waarde van minder as N$10 000.”– republikein@republikein.com.na

NAB voer stryd teen oorgrenssmokkelary

Kommentaar

Republikein 2025-11-05

Meld asseblief aan om kommentaar te lewer

NAB voer stryd teen oorgrenssmokkelary

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.