‘n Appel ‘n dag laat die honger wag

Reeds meer as 60 mense het sedert April baat gevind by die Southern Botanica Namibia Trust se Wambugu-appelprojek - met altesaam 350 appelbome en Groasis-waterbokse wat aan behoeftiges uitgedeel is. Dit sodat hulle hul eie kos kan kweek en moontlik selfs ‘n inkomste uit die appelbome kan verdien.Esther Hoveka, die direkteur van die trust, verduidelik hulle is ‘n geregistreerde liefdadigheidsfonds wat ‘n skenking van ‘n Amerikaanse maatskappy, Vegamour, vir die projek ontvang het. Die maatskappy koop reeds maroela-olie van Namibië en wou deur die appelprojek in die gemeenskap belê.“Ons doel is om vanjaar nog ‘n 100 huishoudings te bereik wat elk tien appelbome sal ontvang. Hiervoor het ons ‘n kwekery by Ondangwa gevestig en ons koop elke drie maande van die appelbome aan,” het sy verduidelik. “Die idee is om in gemeenskappe se voedselsekerheid te belê, maar ook ‘n manier te skep hoe hulle ‘n inkomste daarmee kan verdien,” het Hoveka gesê. Peter Maloki, die programbestuurder van die projek, verduidelik die projek behels dat Wambugu-appelbome van hul kwekery in Ondangwa teen N$220 verkoop word. Dié opbrengste word weer gebruik om saailinge en waterbokse te koop en aan kwesbare huishoudings in landelike gebiede te skenk. “Ons hou die projek lewensvatbaar deur die boompies en die groeibokse teen kosprys plus 10% te verkoop aan mense wat dit kan bekostig. Op dié manier genereer ons geld om in die toekoms meer saailinge en groeibokse te kan koop,” het Hoveka gesê. Maloki sê alhoewel behoeftiges die boompies en groeibokse as ‘n skenking ontvang, moet hulle steeds N$50 daarvoor betaal, omdat hulle glo dit skep “eienaarskapstrots” vir die begunstigdes. APPELBOMEDie appelbome kom oorspronklik van Kenia, maar van die bome word reeds suksesvol in Katima Mulilo en Ondangwa aangeplant. “Die goeie ding van die appels is dat die boom tussen nege maande en ‘n jaar neem om vrugte te begin dra, terwyl ander appelsoorte tot sewe jaar kan neem. Daarbenewens kan die boom tot drie oeste ‘n jaar lewer,” het Maloki gesê.Hy sê die Groasis Waterboxx-toestel is ‘n “waterbattery” wat saailinge lank met min water kan nat hou. Dit kan twee saailinge vir so lank as drie maande met 20 liter water nat hou. Die bokse verkoop teen sowat N$350 elk.Hoveka sê ‘n probleem met die aanplant van bome in landelike nedersettings is dat mense dikwels nie genoegsame toegang tot water het om die bome nat te hou nie. “Daarom versprei ons die Groasis-waterboks saam met die boompies.”Sy het verduidelik begunstigdes word eers opgelei om die saailinge en die waterboks te kan gebruik, waarna elkeen vyf saailinge en vyf waterbokse ontvang.SKOOL Hoveka sê hulle wil die program landwyd uitbrei. “Ons het reeds ‘n skool in Schlip geïdentifiseer wat die Garden of Hope-projek het, waar kos vir 130 kinders geproduseer word. Ons het tien appelsaailinge en groeibokse aan hulle geskenk. Ons beplan om eindelik 20 boompies aan hulle te skenk,” het Hoveka gesê. Sy sê ‘n derde komponent van die projek is die verspreiding van brandstofdoeltreffende stowe wat die doppe van maroelas verband. “Ons wil die stowe onder huishoudings versprei, want die rook is nie gesond vir kinders nie. Daarbenewens kan dit ook hout bespaar,” het sy gesê. Hoveka sê bome en groeibokse word in Windhoek afgelewer as mense dit koop, terwyl reëlings getref kan word om dit na kopers in ander dele van die land te vervoer.Vir meer inlgting, kontak Maloki by 081 651 5411 of info@sbnt.org.na. -elvira@republikein.com.na

‘n Appel ‘n dag laat die honger wag

Kommentaar

Republikein 2025-11-05

Meld asseblief aan om kommentaar te lewer

‘n Appel ‘n dag laat die honger wag

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.