Meatco toon wins vir eerste kwartaal

Die vleisverwerker en -uitvoerder Meatco het volgens finansiële resultate vir die eerste kwartaal vir die tydperk tot einde Mei &#039;n wins getoon. Dit in teenstelling met voorspellings van verliese van tot N$85 miljoen wat die maatskappy vir die tydperk sou ly. Die maatskappy het &#039;n wins van N$109 miljoen vir die kwartaal behaal.Meatco se wins-en-verliesstaat wat nie geoudit is nie en wat deur Republikein se susterskoerant Namibian Sun gesien is, wys die maatskappy het N$560 miljoen in terme van algehele verkoopsvolumes genereer teenoor &#039;n geprojekteerde N$284 miljoen.Meatco se filiaalmaatskappy, Namibia Meat Importers and Exporters (NMIE), het egter &#039;n verlies van N$420 000 getoon. Meatco se pogings om suksesvol beeste noord van die veeartsenykordonheining (VCF) – ook bekend as die Rooilyn in die noordelike kommunale gebiede (NCA) te bemark, het ‘n verlies van N$2,9 miljoen getoon. In April is aangekondig vleis van die NCA’s sal afhangend van die finalisering van halaal-akkreditasie gereed wees vir uitvoer na Katar. Dit is deur die adjunkminister vir landbou, water en grondhervorming Anna Shiweda tydens die motivering van haar ministerie se begroting bevestig. Volgens haar kon die ministerie daarin slaag om marktoegang vir vleis van die NCA’s na Katar te verseker en dat die Rundu-abbatoir volgens ‘n kabinetsbesluit aan Meatco as &#039;n operateur oorhandig is. “Die abattoir is in Maart 2024 as &#039;n uitvoer-abattoir geregistreer en is gereed om na Katar uit te voer sodra die haalal-akkreditasie gefinaliseer is,” het sy gesê. Daarbenewens het die ministerie ook &#039;n uitvoermark na die Verenigde Arabiese Emirate vir vleis suid van die VCF verseker.In reaksie op Meatco se jongste finansiële resultate het die voorsitter van die raad Sakaria Nghikembua gesê die direksie het ’n omkeerplan implementeer met die doel om die finansiële volhoubaarheid van die maatskappy te verseker sodat dit ’n betekenisvolle rol in die ekonomie kan speel.Volgens Nghikembua lê daar egter nog baie werk voor. “Ons is optimisties oor die toekoms. Dit is egter te vroeg om oor die volhoubaarheid van die resultate te praat, veral gegewe die seisoenaliteit van die markte waarin ons verkoop. Die direksie is vasbeslote om te verseker dat die maatskappy op langtermyn volhoubaar omgedraai word,” het hy gesê.Meatco het hom laat verlede jaar in &#039;n insolvente posisie bevind, insluitend &#039;n verlies van N$90 miljoen. Dit was ook in konflik met produsente wat die steunpilaar van sy bestaan is. Meatco se skuld is intussen drasties verminder en die skuld van N$437,3 miljoen die Ontwikkelingsbank van Namibië afbetaal. Die jongste finansiële resultate sal na verwagting druk op Mwilima Mushokabanji, Meatco se uitvoerende hoof verlig wat verlede jaar versoeke in die gesig gestaar het dat hy geskors moet word. Hy is sedert 2020 aan die stuur van Meatco, met &#039;n kontrak wat tot 2025 strek. Mushokabanji wou nie kommentaar lewer oor die jongste finansiële prestasie nie en het gesê hy sal toestemming van die direksie nodig hê om daaroor uit te laat. - republikein@republikein.com.na

Meatco toon wins vir eerste kwartaal

Kommentaar

Republikein 2025-11-04

Meld asseblief aan om kommentaar te lewer

Meatco toon wins vir eerste kwartaal

Kommentaar

Republikein 2025-11-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.