Meatco 'tegnies insolvent'

Nuusredaksie - Die minister van water, landbou en grondhervorming, Calle Schlettwein, het gesê Meatco is tans tegnies insolvent met die onderneming se skuld wat sy bates oorskry.Hy het dié opmerkings gemaak by die ministerie se werkwinkel vir strategie en jaarbeplanning wat vandeesweek in Swakopmund gehou is.Volgens Schlettwein is die maatskappy dus geïdentifiseer as een van die ministerie se prioriteitsareas wat ingryping benodig.Hy het gesê dit is belangrik dat die ministerie Meatco se hervorming en volhoubaarheid ondersteun as ’n anker vir marktoegang en prysstabiliseerder vir alle veeprodusente – klein en groot – in beide kommunale en kommersiële gebiede.“Ons werk nouliks saam met die tesourie en belanghebbendes vir ’n volhoubare toekoms vir Meatco en sy waardeskeppingsvoorstel vir die veesektor.”Schlettwein het bygevoeg Meatco het die voordeel gehad om in wese ’n monopolie te hê, maar hierdie situasie het verander sedert die markkragte die opening van abattoirs in private besit en beesvleisbemarkingsentiteite moontlik gemaak het.Hy het gesê Beefcor, ’n entiteit in private besit, het Meatco reeds verbygesteek in terme van beeste wat geslag is.Savanna Beef Processors (SBP) is ook geregistreer, wat mededinging verder sal aanspoor, het Schlettwein gesê.“Die gevolg is ’n skerp afname in markaandeel wat op sy beurt tot ’n ernstige verlies gely het.”Die minister van finansies en staatsondernemings, Ipumbu Shiimi, het onlangs getwiet: “Die storie oor Meatco wat geprivatiseer/gelikwideer word, is vals. Dit is waar dat Meatco herstrukturering nodig het om volhoubaar te word en ons werk aan ’n volhoubare plan.”Vroeër vanjaar het Schlettwein tydens sy jaarlikse toespraak aan personeellede en belanghebbendes gesê Meatco se toekoms is in die weegskaal en daar moet nog besluit word of nuwe lewe in sy strukture geblaas moet word.“In die kommersiële sektor, wat ons sien, is dat Meatco – as die grootste abattoir – die boere tot ’n sekere mate in die steek gelaat het, en hulle het dit nou in eie hande geneem en hul eie abattoirs ontwikkel.” Wallie Roux, ’n Namibiese landboukundige, het op Schlettwein se opmerkings gereageer.“Meatco het op die louere van sy monopolie gerus. Dit het ondoeltreffendheid meegebring en produsente se vertroue geknou.”Volgens Roux is private entiteite meer doeltreffend en skep hulle vertroue.“Die mense betaal byvoorbeeld markgeoriënteerde pryse en hulle betaal betyds. Kyk gerus na Meatco se vorige jaarverslae, dit spreek boekdele oor hoe die entiteit gekrimp het terwyl sy uitgawes toegeneem het. Daarom is dit tegnies bankrot.“Gevaarligte behoort lankal te flikker waar jy op een plek skuld maak om ander skuld af te betaal. Die vraag is hoe so ’n situasie ontstaan het, ten spyte van al die regering se ondersteuning. Die antwoord lê voor die bestuur en die direksie se deur.”Meatco het verlede jaar gesê hulle het daarin geslaag om historiese lenings van N$94 miljoen wat aan Bank Windhoek verskuldig is en N$520 miljoen aan First National Bank (FNB) te vereffen.N$400 miljoen wat aan die Ontwikkelingsbank van Namibië (DBN) verskuldig is, is egter nog uitstaande.“Hulle het skuld betaal deur ander skuld aan te gaan. Die DBN-lenings kom teen ’n koste. Dit is in jou boeke opgeskryf as skuld. Daarom sê die minister die verhaling van eie hulpbronne en huidige strukture in plek, is hoogs onwaarskynlik.“Die huidige bestuur het Meatco in die grond ingewerk. Hulle uitgawes het net meer geword en hul inkomste het gedaal. Die hele Okahandja (abattoir) is gesluit, die inmaakfabriek is toe. Verslagtings is nou besig om op te tel, want dit is die begin van ’n droogte.”Roux het gesê ondanks Beefcor se produksie wat beter as Meatco s’n is, is 1 200 ton van die Noorweegse beesvleiskwota aan Meatco toegeken en 400 ton aan Beefcor. “Dit was weer eens ’n soort reddingsboei wat hulle vir Meatco gegooi het.”Beefcor het verlede jaar gesê hy verwag ’n deurset van 30 000 beeste vir 2022, ’n syfer wat hy verwag om teen 2024 te verdubbel.Meatco het vroeër vanjaar gesê sy doelwit is om 50 000 beeste in die 2023-boekjaar te slag, terwyl hy tot dusver sowat 34 000 beeste geslag het.Die maatskappy het gedurende die 2021-’22-boekjaar 35 000 beeste geslagMeatco moet minstens 60 000 tot 65 000 beeste slag om winsgewend te wees en die abattoir by Windhoek te bedryf. – republikein@republikein.com.na

Meatco 'tegnies insolvent'

Kommentaar

Republikein 2025-11-05

Meld asseblief aan om kommentaar te lewer

Meatco 'tegnies insolvent'

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.