Landbouminister besoek BKS-episentrum

Die minister van landbou, visserye, water en grondhervorming, Inge Zaamwani, het haar tevredenheid uitgespreek oor die voortdurende reaksie-operasies rakende bek-en-klouseer (BKS) in die Karasburg-distrik ná afloop van ’n besoek van twee dae.

Haar doel was om paraatheid te bepaal, beheermaatreëls te inspekteer en met gearaakte boere en spanne in die voorste linie te vergader. 

Zaamwani het die afgelope Vrydag padblokkades by strategiese uitgangspunte en padkruisings besoek om die gereedheid van ontplooide spanne en die beskikbaarheid van materiaal en toerusting wat vir die implementering van beheermaatreëls nodig is, te evalueer. 

“Ek is tevrede met wat ek gesien het,” het die minister gesê en die spanne geprys wat dag en nag werk om voertuie te inspekteer en ontsmet.

Sy het erken dat lang rye tydens spitstye vertragings veroorsaak, maar opgemerk dat reisigers oor die algemeen die belangrikheid van die maatreëls om die uitbreking te bekamp, ​​verstaan. 

Zaamwani het gesê die spanne sal versterk word, en met die identifisering van jongmense vir tydelike werk as stukwerkers om die operasies te ondersteun. 

Die minister het ook die noodsaaklikheid beklemtoon om konsekwente beheermaatreëls dag en nag te handhaaf.

 Saterdag het sy saam met die streekgoewerneur van ||Kharas, Dawid Gertze, en die raadslid van die Karasburg-Oos-kiesafdeling, James Hawanga, ’n evaluering in die veld van hoërisikopunte langs die Oranjerivier gedoen. 

KORDONHEINING

Die besoek het die gebied vanaf die Homsrivier gedek waar die veterinêre kordonheining opgerig word, tot by Velloorsdrift, waar die heining na verwagting sal eindig. 

Die minister het bevestig dat die oprigting van die grensheining op plase langs die Oranjerivier begin het en na verwagting binne vier maande voltooi sal wees. 

 “Samesprekings met geraakte boere is byna afgehandel,” het Zaamwani gesê. 

Die afvaardiging het daarna na die episentrum, Karasburg, gereis, waar die minister verteenwoordigers van geraakte boere ontmoet het om die situasie te bespreek, hul kommer aan te spreek en onmiddellike optrede te identifiseer wat samewerking tussen die ministerie en die boeregemeenskap vereis. 

As deel van die evaluring het Zaamwani die kantoor van die direktoraat van veeartsenykundige dienste (DVS) op Karasburg besoek om die operasionele gereedheid en beskikbare voorraad te inspekteer. 

Sy het ook die kampterrein besoek wat vir inentingspanne opgestel is, waar sy in kennis gestel is dat die meeste spanne aangekom het, met die oorblywende spanne vandag verwag word. 

Die inentingspanne hulself berei voor om te ontplooi met inenting wat na verwagting sal begin sodra skedules deur die betrokke belanghebbendes ooreengekom is. 

Intussen in die Noordooste het die DVS vandag bevestig dat 12 monsters van 20 beeste by Kalala-eiland in die Kabbe-kiesafdeling in die Zambezistreek verlede week positief vir BKS getoets het.

– republikein@republikein