Kommer oor reëntekorte in O-streke

Boere in die die Kunene-, Omusati- en Oshanastreek behoort waarskynlik nou reeds vir die vermindering van veegetalle te beplan, sou die reënseisoen in dié gebiede nie in die nabye toekoms ‘n drastiese positiewe koers inslaan nie. Dit aldus die die Rangeland Monitoring Project se mnr. Bertus Kruger, wat sê volgens hul vroeë waarskuwingstelsel vir weidingstoestande, is daar kommer oor die grootste dele van die Kunene-, Omusati- en Oshanastreek en moet boere in die gebiede die reënseisoen voorts fyn dophou.Volgens Kruger dui satellietdata dat plantegroei in die grootste dele van bogenoemde streke steeds ondergemiddeld is as dit met die 20 jaar gemiddeld vergelyk word. Die stelsel wys ook dat plantegroei in die suidoostelike ||Kharas- en sentrale Hardapstreek goed reageer het op onlangse reën en vergelyk dit bogemiddeld met langtermyn gemiddeldes.Hy sê boere wat in die rooi dele van die kaart woon, behoort teen die tyd van die reënseisoen te begin oorweeg dat die reënseisoen vir hulle ondergemiddeld kan wees. REËNBULLETINDit stem ooreen met die reënbulletin wat Woensdag deur die ministerie van werke en vervoer se Namibië Meteorologiese Dienste uitgereik is. In die bulletin sê meteoroloog Simon Dirkse alhoewel welkome reën ná jarelange droogte eindelik oor die Kunenestreek uitgesak het, heers kommer oor die ondergemiddelde seisoen in plekke in die noorde en noordoostelike dele van die land.Dirkse sê die ondernormale seisoen in die Tsumkwe-gebied vanaf Gam tot Eiseb, kan maklik tot watertekorte lei. “Die reën wat tot dusver geval het, kon ook nie daarin slaag om die situasie in die Omusatistreek, dele van die Oshanastreek asook die westelike Ohangwena te normaliseer nie. “Daar is ‘n risiko vir misoeste en die beskikbaarheid van water bly ‘n groot bekommernis,” het Dirkse gesê. Hy sê daarteenoor het die meeste plekke in die Kunene twee tot drie maal meer reën as normaal ontvang, terwyl plekke in die Suide en Erongo twee tot vier maal meer as hul gemiddelde reën vir Februarie ontvang het. Dit is egter met die uitsondering van die verre suidwestelike dele. Hy sê die Zambezistreek het min, indien enige reën in Februarie ontvang, ná uitsonderlik baie reën in Januarie in die streek voorgekom het. “Ná konsekwente ondergemiddelde reënneerslae, het Omusati, Oshana en Oshikoto vir die eerste keer in Februarie gemiddelde reën ontvang,” het hy bygevoeg.SATELLIETSTELSELSKruger beveel aan dat besluitnemers op streek- en nasionale vlak die moontlikheid van ‘n ondergemiddelde reënseisoen met ondergemiddelde weidingstoestande in die noordweste van die land oorweeg.Hy meen toestande is nog nie katastrofies nie en dat Januarie en Maart die maande is wat gewoonlik vir die meeste reën oor die grootste dele van die land sorg. Hy waarsku egter dat besluitnemers die situasie sorgvuldig sal moet monitor en solank moet dink aan maatreëls wat in plek gesit moet word om die mees kwesbare boere by te staan, sou dit nodig wees. Kruger sê hul stelsel is tot almal se beskikking en verskaf betroubare inligting oor die toestand van weiveld en dreigende voedingstekorte, met genoeg tyd om te reageer en vroegtydige besluite te neem.Meer inligting oor weidingskaarte kan by www.namibiarangelands.com of rangemonitor@gmail.com bekom word, of belangstellendes kan vir dr. Cornelis van der Waal by 081 604 5878 skakel.BOEREIntussen berig die Namibian Sun se Tunohole Mungoba dat boere in die sentrale noordelike gebiede van die land hulself reeds teen ‘n droogte staal.Teopolina Nauyoma, ‘n 65-jarige weduwee van Endola-nedersetting in die Ohangwenastreek sê sy vrees nog ‘n droogte indien hulle nie vandeesmaand enige reën ontvang nie. Sy het verlede jaar reeds ‘n swak oes gehad omdat die reën laat gekom het. Sy sê die laaste keer wat dit só droog was, was in 1981. Nauyoma het vertel die oshanas raak droog en dis net ‘n kwessie van tyd voor alles opdroog en hul beeste nie meer water gaan hê om te drink nie. – elvira@republikein.com.na

Kommer oor reëntekorte in O-streke

Kommentaar

Republikein 2025-06-18

Meld asseblief aan om kommentaar te lewer

Kommer oor reëntekorte in O-streke

Kommentaar

Republikein 2025-06-18

Meld asseblief aan om kommentaar te lewer

MELD AAN

Advertensie