Komitee wil weet oor projekte

Die parlementêre staande komitee vir ekonomie en openbare administrasie besoek vandag Kavango-Wes om hulself te vergewis van die regering se pogings om beesboere in die Noorde toegang tot winsgewende markte te gee. Vandag se besoek sluit ontmoetings met die goewerneur en rolspelers in, terwyl die komitee Saterdag besoek aan die Mangetti-kwarantynkamp en -nedersetting asook die Kavango-beesplaas sal bring wat deur die agentskap vir nywerheidsontwikkeling in Namibië (NIDA) bestuur word.Ten spyte van die feit dat tot 60% van Namibië se beeste bo die Veterinêre Kordonheining (Rooilyn) is, kan dié boere weens die risiko van siektes soos bek-en-klouseer en longsiekte nie na die gesogte buitelandse markte uitvoer nie. Die Lisha Bemagtiging en Ontwikkelingsorganisasie het reeds in 2022 ‘n klagskrif by die Nasionale Vergadering hieroor ingedien. Die naweek se besoek het ten doel om vordering met ooreenkomste wat ná die klagskrif met die ministerie van landbou, water en grondhervorming gesluit is, op te volg. Tydens ‘n vorige ondersoek was die toestand en gebruik van die Omutambo Maowe-kwarantynkamp wat glo al 12 jaar leeg staan, een van die grootste kwessies. Omutambo Maowe is veronderstel om die boere in Omusati, Kunene en Oshana te bedien, deur hul beeste in kwarantyn te plaas voordat dit by die Eloolo Abattoir op Oshakati geslag word. Eloolo is egter ook vir die laaste 11 toe, nadat Meatco dit gesluit het. Die kwarantynkamp is ook veronderstel om skape en bokke vir 30 dae te kan isoleer om uitvoer na Suid-Afrika te verseker. Geen program is ook in plek om te verseker dat beeste bestem vir slag, vry van enige siektes bly en gesond groei nie. Laasgenoemde beïnvloed die gehalte van die vleis. Ander probleme wat boere in die noordelike kommunale gebiede (NCA) ervaar, sluit in die tekort aan voerkrale, asook lae pryse op die plaaslike mark. Met die verloop van tyd het die regering abattoirs op Katima Mulilo, Rundu, Oshakati, Eenhana en Outapi gebou. ‘n Tender is toegeken om die abbatoir op Opuwo op te gradeer. ‘n Tender vir die opknap van landbougeriewe in Kavango-Oos, Kavango-Wes, Omusati en Zambezi wat deur die landbouministerie, die nasionale beplanningskommissie (NPC) en die Europese Unie (EU) uitgesit is, sluit vandag 16:00. Deel van dié tender is die opknapping van Omutambo Maowe (lot 3), terwyl die bou van ‘n veeartseny-kantoor op Nkurenkuru en veilingsgeriewe op Ncaute (lot 1), die opgradering van plaasinfrastuktuur en die kwarantynkamp op Katima Mulilo (lot 2), sowel as ‘n voerkraal vir ‘n 1 000 beeste by Etunda (lot 4). Kontrakteurs kan vir elke lot apart, alles of net vir een tender. - augetto@nmh-hub.com.na

Komitee wil weet oor projekte

Kommentaar

Republikein 2025-12-09

Meld asseblief aan om kommentaar te lewer

Komitee wil weet oor projekte

Kommentaar

Republikein 2025-12-09

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.