Karan sal binnekort weer Namibiese kalwers opkoop

Karan Beef Farming, tans Suid-Afrika se grootste invoerder van beeskalwers uit Namibië, het Namibiese boere die versekering gegee dat alle aankope van kalwers so spoedig as moontlik na normaal sal terugkeur.Dit volg nadat die organisasie se besturende direkteur, Jannie Botha, aangekondig het dat hul fasiliteit in die Otjiwarongo-omgewing gestaak word.“Karan Beef is besig met die herstrukturering en veranderinge in Namibië ten opsigte van ons kalf-aankope.“Nuwe uitbreidings en fasiliteite word tans ondersoek en voor onderhandel om kalwers in die suide van Namibië te akkommodeer,” het hy gesê.Botha het bygevoeg dat Karan graag sy status as die grootste invoerder van Namibiese kalwers wil behou.Karan Beef is bekend as een van Suid-Afrika se toonaangewende verskaffers van beesvleisprodukte, met ‘n verspreidingsentrum in Johannesburg en ‘n abattoir wat meer as 2 000 beeste per dag kan verwerk. Hul voerkraal by Heidelberg met sowat 145 000 beeste is die grootste in Afrika, terwyl hulle die grootste voermeulens in die wêreld besit en sertifisering het om na lande soos onder meer China, Hong Kong, Maleisië, die Verenigde Arabiese State, Koeweit, Katar en verskeie plekke in Afrika uit te voer.Botha het gesê navrae kan gerig word aan Barco van Niekerk (Barco.van.Niekerk@karanbeef.com), Justin Karan (justink@karanbeef.com) of Jannie Botha (jannieb@karanbeef.com).

Karan sal binnekort weer Namibiese kalwers opkoop

Kommentaar

Republikein 2026-02-03

Meld asseblief aan om kommentaar te lewer

Karan sal binnekort weer Namibiese kalwers opkoop

Kommentaar

Republikein 2026-02-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.