Aupindi: Swapo ondersteun verwydering van Rooilyn
'Visie van wyle pres. Geingob'
'n Politieke kommentator meen Swapo het vir meer as 30 jaar die geleentheid gehad om dié omstrede kwessie te takel.
’n Swapo-parlementslid Tobie Aupindi sê die veeartsenykordonheining, ook bekend as die Rooilyn, maak geen ekonomiese sin nie en dat die verwydering daarvan nog altyd deel van die regerende party se beleid was.
Aupindi het onlangs aan Network Media Hub (NMH) gesê sy voorvaders het nie vir onafhanklikheid geveg om wette uit die apartheidsera te bewaar wat teen mense diskrimineer wat noord van die Rooilyn woon nie.
“Daar was nooit twyfel of Swapo daarin glo om die Rooilyn te verwyder nie. Die verwydering van die Rooilyn was nog altyd in ons beleidsmandaat vasgelê om ekonomiese wanbalanse gelyk te stel,” het Aupindi gesê.
Hy het gesê die eintlike vraag is of diegene wat deur Swapo in die regering ontplooi is, die implementering van sy beleide moet versnel.
Hy het bygevoeg die ministerie van landbou, visserye, water en grondhervorming is ’n paar jaar gelede opdrag gegee om die projek te fasiliteer.
“Ek stem saam met Swapo se sekretaris-generaal [Sophia Shaningwa] dat ons nie agteroor kan sit en die beslaglegging van mense se vleis by die hek kan toelaat nie, selfs vir persoonlike verbruik,” het Aupindi gesê.
Shaningwa het gesê burgers word steeds swak behandel by verskeie veeartsenykontrolepunte, waar hul vleis gekonfiskeer en in vullisdromme gegooi word.
Aupindi het bevraagteken hoe rooivleis of ’n karkas kan bydra tot die verspreiding van siektes soos miltsiekte of bek-en-klouseer.
“Die Rooilyn is die grootste ekonomiese wanbegrip. Dis ’n finansiële vorm van slawerny in onafhanklike Namibië. My ouers het in ballingskap gegaan om vir ons onafhanklikheid te veg,” het hy gesê.
Aupindi het bygevoeg hoewel hy nie deel van die vorige leierskap was nie, weier hy om ’n ekonomiese stelsel te ondersteun wat sommige burgers in slawerny hou.
GEINGOB SE VISIE
Die verwydering van die Rooilyn was een van wyle president Hage Geingob se visies en hy het in 2018 ’n beroep gedoen vir die verwydering daarvan.
Die Rooilyn dien as ’n fisieke en regulatoriese versperring wat die noordelike kommunale gebiede van die suidelike kommersiële boerderygebiede skei.
Dit is aanvanklik gedurende koloniale tye gevestig, hoofsaaklik om die verspreiding van dieresiektes soos bek-en-klouseer van die noorde na die suide te voorkom.
Die heining het egter omstrede geword met verskeie sleutelargumente daarteen.
’n Belangrik bron van kommer is dat boere noord van die Rooilyn groot struikelblokke in die gesig staar wanneer hulle hul vee aan die meer winsgewende suidelike en uitvoermarkte probeer verkoop as gevolg van veeartsenykundige beperkings. Dit lei tot laer pryse vir hul beeste.
Boonop word vleis wat vir binnelandse verbruik bedoel is, nie toegelaat om die Rooilyn van die noorde af oor te steek nie. In plaas daarvan word dit weggegooi sonder om enige toetse te ondergaan om te bepaal of dit besmet is.
‘OMARM NASIONALISME’
Drie maande gelede het Swapo se voormalige sekretaris-generaal, Pendukeni Iivula-Ithana, gevra vir die verskuiwing van die Rooilyn na Namibië se noordelike grense en aangevoer dat interne versperrings nie meer burgers moet verdeel nie.
Iivula-Ithana het die voortdurende swak behandeling van mense by Oshivelo en ander kontrolepunte uitgelig en dringende hervormings geëis.
“Daar moet maatreëls getref word om te verbeter hoe mense behandel word terwyl doeltreffende siektebeheer steeds verseker word,” het sy gesê.
“As Namibiërs moet ons nasionalisme omarm. As die regering besluit ’n siektebeheergrens moet gevestig word, moet dit nie geprivatiseer word nie,” het sy gesê.
Sy het verder opgemerk dat daar voorheen ’n versperring langs die grens tussen Namibië en Angola bestaan het om veebewegings te reguleer.
POLITIEKE FOEFIE
Die politieke kommentator Ndumba Kamwanyah het aangevoer dat die skielike beroepe deur senior Swapo-leiers om die Rooilyn te verwyder ’n politieke foefie is.
Kamwanyah het gesê dat dit waarskynlik ’n poging is om die stryd wat tans deur die leier van die Affirmative Repositioning (AR), Job Amupanda gelei word, te verwater.
Die Swapo-regering het voorheen topprokureurs aangestel om Amupanda in die hof teen te staan en die Rooilyn te handhaaf.
Kamwanyah het verder gesê dit lyk skynheilig, aangesien Swapo al meer as 30 jaar aan bewind is en baie geleenthede gehad het om dié kwessie vroeër te takel.
“Dit kan ’n geval van populistiese politiek wees, waar hulle probeer om openbare steun te wen deur op ’n gewilde kwessie te spring,” het hy gesê en bygevoeg dat dit ook 'n poging kan wees om die kollig van Amupanda af te neem.
“Hul skielike belangstelling lyk polities bereken, eerder as eg,” het Kamwanyah gesê.
– [email protected]
Aupindi het onlangs aan Network Media Hub (NMH) gesê sy voorvaders het nie vir onafhanklikheid geveg om wette uit die apartheidsera te bewaar wat teen mense diskrimineer wat noord van die Rooilyn woon nie.
“Daar was nooit twyfel of Swapo daarin glo om die Rooilyn te verwyder nie. Die verwydering van die Rooilyn was nog altyd in ons beleidsmandaat vasgelê om ekonomiese wanbalanse gelyk te stel,” het Aupindi gesê.
Hy het gesê die eintlike vraag is of diegene wat deur Swapo in die regering ontplooi is, die implementering van sy beleide moet versnel.
Hy het bygevoeg die ministerie van landbou, visserye, water en grondhervorming is ’n paar jaar gelede opdrag gegee om die projek te fasiliteer.
“Ek stem saam met Swapo se sekretaris-generaal [Sophia Shaningwa] dat ons nie agteroor kan sit en die beslaglegging van mense se vleis by die hek kan toelaat nie, selfs vir persoonlike verbruik,” het Aupindi gesê.
Shaningwa het gesê burgers word steeds swak behandel by verskeie veeartsenykontrolepunte, waar hul vleis gekonfiskeer en in vullisdromme gegooi word.
Aupindi het bevraagteken hoe rooivleis of ’n karkas kan bydra tot die verspreiding van siektes soos miltsiekte of bek-en-klouseer.
“Die Rooilyn is die grootste ekonomiese wanbegrip. Dis ’n finansiële vorm van slawerny in onafhanklike Namibië. My ouers het in ballingskap gegaan om vir ons onafhanklikheid te veg,” het hy gesê.
Aupindi het bygevoeg hoewel hy nie deel van die vorige leierskap was nie, weier hy om ’n ekonomiese stelsel te ondersteun wat sommige burgers in slawerny hou.
GEINGOB SE VISIE
Die verwydering van die Rooilyn was een van wyle president Hage Geingob se visies en hy het in 2018 ’n beroep gedoen vir die verwydering daarvan.
Die Rooilyn dien as ’n fisieke en regulatoriese versperring wat die noordelike kommunale gebiede van die suidelike kommersiële boerderygebiede skei.
Dit is aanvanklik gedurende koloniale tye gevestig, hoofsaaklik om die verspreiding van dieresiektes soos bek-en-klouseer van die noorde na die suide te voorkom.
Die heining het egter omstrede geword met verskeie sleutelargumente daarteen.
’n Belangrik bron van kommer is dat boere noord van die Rooilyn groot struikelblokke in die gesig staar wanneer hulle hul vee aan die meer winsgewende suidelike en uitvoermarkte probeer verkoop as gevolg van veeartsenykundige beperkings. Dit lei tot laer pryse vir hul beeste.
Boonop word vleis wat vir binnelandse verbruik bedoel is, nie toegelaat om die Rooilyn van die noorde af oor te steek nie. In plaas daarvan word dit weggegooi sonder om enige toetse te ondergaan om te bepaal of dit besmet is.
‘OMARM NASIONALISME’
Drie maande gelede het Swapo se voormalige sekretaris-generaal, Pendukeni Iivula-Ithana, gevra vir die verskuiwing van die Rooilyn na Namibië se noordelike grense en aangevoer dat interne versperrings nie meer burgers moet verdeel nie.
Iivula-Ithana het die voortdurende swak behandeling van mense by Oshivelo en ander kontrolepunte uitgelig en dringende hervormings geëis.
“Daar moet maatreëls getref word om te verbeter hoe mense behandel word terwyl doeltreffende siektebeheer steeds verseker word,” het sy gesê.
“As Namibiërs moet ons nasionalisme omarm. As die regering besluit ’n siektebeheergrens moet gevestig word, moet dit nie geprivatiseer word nie,” het sy gesê.
Sy het verder opgemerk dat daar voorheen ’n versperring langs die grens tussen Namibië en Angola bestaan het om veebewegings te reguleer.
POLITIEKE FOEFIE
Die politieke kommentator Ndumba Kamwanyah het aangevoer dat die skielike beroepe deur senior Swapo-leiers om die Rooilyn te verwyder ’n politieke foefie is.
Kamwanyah het gesê dat dit waarskynlik ’n poging is om die stryd wat tans deur die leier van die Affirmative Repositioning (AR), Job Amupanda gelei word, te verwater.
Die Swapo-regering het voorheen topprokureurs aangestel om Amupanda in die hof teen te staan en die Rooilyn te handhaaf.
Kamwanyah het verder gesê dit lyk skynheilig, aangesien Swapo al meer as 30 jaar aan bewind is en baie geleenthede gehad het om dié kwessie vroeër te takel.
“Dit kan ’n geval van populistiese politiek wees, waar hulle probeer om openbare steun te wen deur op ’n gewilde kwessie te spring,” het hy gesê en bygevoeg dat dit ook 'n poging kan wees om die kollig van Amupanda af te neem.
“Hul skielike belangstelling lyk polities bereken, eerder as eg,” het Kamwanyah gesê.
– [email protected]
Kommentaar
Republikein
Geen kommentaar is op hierdie artikel gelaat nie