Wie is benoem?

Vanjaar se Namibiese teater- en rolprentoekennings (NTFA) skop Woensdag (11 Februarie) amptelik af wanneer die name van dié wat vir 'n toekenning benoem is, bekend gemaak word. Die aankondiging sal regstreeks om 11:00 van die toekennings se amptelike Facebookblad uitgesaai word. Die NFTA's word gesamentlik deur die Nasionale Teater van Namibië (NTN) en die Namibiese Filmkommissie in vennootskap met die nasionale uitsaaier (NBC) aangebied. Vir meer inligting kan die webtuiste ntn.org.na besoek word. Op die foto verskyn die doyenne van Namibiese teater Sandy Rudd tydens 'n vorige toekenningsaand.