Unieke slypskool in unieke omgewing

Namdeb, die OMDis Town Transform Agency en die StArt Art-kunsgalery het kunstenaars uitgenooi om aansoek te doen om aan die 2022-uitgawe van die Namdeb Artists Retreat deel te neem. Deur die loop van dié slypskool sal kontemporêre Namibiese kunstenaars wat uiteenlopende kunsvorme beoefen, gestimuleer word deur die unieke omgewing van Baker’s Bay in die Tsau //Khaeb (Sperrgebiet) Nasionale Park om ‘n reeks kunswerke te produseer wat besin oor die bewaring en maatskaplike en kulturele geskiedenis van die gebied.As deel van hulle Art Can Transform-projek het OMDis verlede jaar ‘n slypskool by Bogenfels gehou, waartydens 63 oorspronklike kunswerke geskep is wat intussen suksesvol in Oranjemund en Windhoek uitgestal is.Hierdie projek het die grondslag gelê vir ‘n werklik unieke en gesogte leerervaring.Die idee is om die slypskool voortaan jaarliks aan te bied. Die geleentheid sal vanjaar vanaf 1 tot 16 Oktober aangebied word, met aansoeke wat om 17:00 op Donderdag 25 Augustus sluit.Aansoeke sal oorweeg word van kunstenaars wat in die volgende mediums werk: visuele kuns (skilder, beeldhou, installasie, drukkuns, ensovoorts) uitvoerende kuns, kreatiewe skryfwerk, fotografie en videografie. Aansoeke sal hoofsaaklik beoordeel word op grond van die kwaliteit van voorbeelde van vorige werk sowel as die kunstenaars se motiverings oor hoekom hulle moet deelneem.IN ISOLASIEDie kunstenaars wat uiteindelik gekies word sal aan die gebied voorgestel word om te verseker dat hulle bewus is van die sensitiewe omgewing, veiligheidskwessies en reëls en regulasies van die gebied. Hulle sal ingelig word oor die historiese aspekte van die ruimte, die behoefte aan bewaring en die unieke menslike voetspoor wat op hierdie afgeleë landskap gelaat is. Die kunstenaars sal dan vir ‘n volle week in isolasie saamwerk en die slypskool word afgesluit met ‘n uitstalling/vertoning in Oranjemund van die werk wat gedurende daardie tyd geskep is.Die uitstalling sal mettertyd in Windhoek herhaal word. “Soos die laaste kunstenaarslypskool bewys het, bevorder hierdie ervaring kreatiwiteit en ons is seker dat die resultate van hierdie uitgawe interessant en insiggewend vir baie mense, in Namibië sowel as die buiteland, sal wees. Deur kuns kan komplekse temas en inligting uitgelig, gekommunikeer en toeganklik gemaak word vir gehore wat minder kennis van dié onderwerpe dra. “Dit maak kuns die perfekte kanaal om die boodskappe wat verband hou met Oranjemund en die aangrensende nasionale park, van sy unieke geskiedenis en beduidende omgewingsbelang, te versprei,” lui ’n mediaverklaring wat vandeesweek deur die betrokke organisasies uitgereik is. Kunstenaars wat wil navraag doen en wil aansoek doen vir die 2022-Namdeb Artists Retreat, kan https://www.startartgallery.com/namdeb-artists-retreat-2022-bakers-bay/ besoek of me. Helen Harris by info@startgallery.com kontak. – republikein@republikein.com.na

Unieke slypskool in unieke omgewing

Kommentaar

Republikein 2025-08-04

Meld asseblief aan om kommentaar te lewer

Unieke slypskool in unieke omgewing

Kommentaar

Republikein 2025-08-04

Meld asseblief aan om kommentaar te lewer

MELD AAN

Advertensie