Swakopmunder deel hartseer in enkelsnit
'Ek wil my klank ontwikkel'
Een van Swakopmund se ontluikende talente, die 20-jarige Jessica Ashley, sê sy het vir maande aan haar nuutste enkelsnit vasgeklou voor sy die moed gehad het om dit vry te stel.
Sy sê haar aanhangers het die enkelsnit “Back To You”, en sy gepaardgaande musiekvideo goed ontvang.
Die enkelsnit gee haar aanhangers ’n blik in haar persoonlike lewe, met ’n mislukte romanse wat as inspirasie gedien het, verklap Jessica Ashley.
“‘Back To You’ is vir my meer persoonlik as die musiek wat ek voorheen bekend gestel het en die skryfproses was meer emosioneel. Ek dink ek was bang vir mense se opinies en juis daarom was ek nie seker of ek dit moes vrystel nie,” het sy gesê.
Sy sê sy wil graag na die vrystelling van haar drie enkelsnitte, “Only 9”, “Pawns in a Game” en nou “Back To You” bietjie eksperimenteer.
“My musiek is meer pop, maar ek luister persoonlik na alt-musiek en country, so ek sal graag meer country wil doen en alt-klanke iewers by my speellys inwerk,” het sy gesê.
Die jong sangeres het boonop ’n lys van Nuwejaarsvoornemens wat haar liefde vir musiek gaan laat floreer.
“Ek speel nie op die oomblik ’n instrument voluit nie. Ek kan ’n bietjie kitaar speel, en in Namibië gaan dit alles oor lewendige musiek. Daar is mense wat daarvan hou as ek met agtergrondmusiek optree, maar my voorneme vir hierdie jaar is om te leer om die kitaar behoorlik te leer speel,” het sy gesê.
Sy hoop ook om vanjaar na Suid-Afrika te toer en meer betrokke te raak by gewilde feeste.
– [email protected]
Sy sê haar aanhangers het die enkelsnit “Back To You”, en sy gepaardgaande musiekvideo goed ontvang.
Die enkelsnit gee haar aanhangers ’n blik in haar persoonlike lewe, met ’n mislukte romanse wat as inspirasie gedien het, verklap Jessica Ashley.
“‘Back To You’ is vir my meer persoonlik as die musiek wat ek voorheen bekend gestel het en die skryfproses was meer emosioneel. Ek dink ek was bang vir mense se opinies en juis daarom was ek nie seker of ek dit moes vrystel nie,” het sy gesê.
Sy sê sy wil graag na die vrystelling van haar drie enkelsnitte, “Only 9”, “Pawns in a Game” en nou “Back To You” bietjie eksperimenteer.
“My musiek is meer pop, maar ek luister persoonlik na alt-musiek en country, so ek sal graag meer country wil doen en alt-klanke iewers by my speellys inwerk,” het sy gesê.
Die jong sangeres het boonop ’n lys van Nuwejaarsvoornemens wat haar liefde vir musiek gaan laat floreer.
“Ek speel nie op die oomblik ’n instrument voluit nie. Ek kan ’n bietjie kitaar speel, en in Namibië gaan dit alles oor lewendige musiek. Daar is mense wat daarvan hou as ek met agtergrondmusiek optree, maar my voorneme vir hierdie jaar is om te leer om die kitaar behoorlik te leer speel,” het sy gesê.
Sy hoop ook om vanjaar na Suid-Afrika te toer en meer betrokke te raak by gewilde feeste.
– [email protected]
Kommentaar
Republikein
Geen kommentaar is op hierdie artikel gelaat nie