Sagarias Tsam vermaak Grashoek se leerlinge

Die Namibiese musikant, Sagarias Tsam, het onlangs leerlinge van die Grashoek Primêre Skool by Tsumkwe met sy unieke 'Nama-blues' by Sound Garden op Swakopmund vermaak. Tsam verduidelik dat ’n vriend, Matej Matei Rancigaj, die leerlinge na Swakopmund gebring het om hul droom te bewaarheid om die see te sien. "Die plan om hul droom te bereik het so min of meer twee jaar geneem. Hy het borge gekry en toe ry hulle sowat 25 kinders met twee busse aan," sê Tsam. Die leerlinge se blyplek is by Swakopmund Backpackers gereël en Tsam sê sy vriend het hom toe gevra om vir die groep musiek te speel. "Dit was rerig baie lekker gewees," sê hy. Foto Facebook/Sagarias Tsam