Saamgestelde oomblikke van stilte

Gedryf deur ‘n drang na verkenning en ontdekking, is hy veral bekend daarvoor dat hy noukeurig en met ongelooflike detail saamgestelde oomblikke van stilte vasvang. Die fotograaf Daniel Naudé se mikroskopiese diorama-projek Still Life was vanjaar die feeskunstenaar vir die Toyota Stellenbosch Woordfees wat die kyker ‘n nabye blik op van naaldekokers tot beeste tot honde en mense gegee het.Geïnspireer deur sy kindertydse besoeke aan museums, word insekmonsters uit die versameling van die Universiteit Stellenbosch se Departement Bewaringsekologie en Entomologie noukeurig geplaas op stelle wat gebou is van kwarts, kristalle en korale wat deur Daniel versamel is. Agtergronde uit olieverf voltooi die tonele, wat dan in verstommende detail gefotografeer word met behulp van die nuutste fotografiese tegnieke. Die resultate is bonatuurlike uitbeeldings van insekte wat die entomoloog se monsters laat herleef en jou in totale verwondering laat. Nog nooit het jy ‘n insek van so naby en in soveel detail gesien wat jou laat voel jy voel sy asem op jou wang nie. Daniel is in 1984 in Kaapstad gebore waar hy vandag steeds woon. Na hy sy Honneursgraad in Beeldende Kunste aan die Stellenbosch Universiteit in 2007 behaal het, sluit sy luisterryke loopbaan groep- en solo-uitstallings oor vier vastelande in. Sy werk is onder meer deel van versamelings in die J. Paul Getty Museum in Los Angeles en ook van die medestigter van Microsoft, Paul Allen. Van sy grootste opdragte sluit die perde van die Oppenheimer-familie en die Ankole-beeste van Suid-Afrika se president Cyril Ramaphosa. Sy werk is ook in die gesogte Amerikaanse Hapers-tydskrif opgeneem. Daniel se eerste boek, Animal Farm, het in 2012 verskyn en is opgevolg in 2016 deur Sightings of the Sacred: Cattle in India, Uganda and Madagascar. Cattle of the Ages in samewerking met Suid-Afrika se president Cyril Ramaphosa oor sy Ankola-beeste, word in 2017 gepubliseer, terwyl sy vierde boek, The Bovine Prophecy in 2020 verskyn.

Saamgestelde oomblikke van stilte

Kommentaar

Republikein 2026-11-10

Meld asseblief aan om kommentaar te lewer

Saamgestelde oomblikke van stilte

Kommentaar

Republikein 2026-11-10

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.