Plaaslike film by JHB-filmfees
Begin op 27 Februarie in Sandton
Die Namibiese fliek Under the Hanging Tree word eersdaags by 'n Suid-Afrikaanse filmfees vertoon.
Die plaaslike film Under the Hanging Tree, wat vir vanjaar se Oscars ingeskryf is, sal by die Johannesburgse Filmfees vertoon word.
Beide die film se regisseur Perivi John Katjavivi en hoofaktrise Girley Jazama sal as eregaste by dié filmfees ontvang word. Die filmfees begin op 27 Februarie in Sandton.
Katjavivi het in 2018 reeds begin om aan ’n polisiereeks te skryf en het verlede jaar die produk van die skrywe, Under The Hanging Tree, in die hoofstad bekend stel.
Die fliek handel oor ’n geharde polisievrou wat die donker realiteit in die gesig moet staar na ’n man se lewelose liggaam met ’n tou om sy nek aan ’n boom gevind word.
Jazama se karakter, Christina, moet gevolglik ou sere oopkrap wanneer haar ondersoek haar lei tot Namibië se volksmoord.
“My belangstelling is nie soveel in die volksmoord as ’n gebeurtenis nie. Ek het nie belang gestel in ’n polisiefliek of soseer die volksmoord of kolonialisme nie. Ek wou net ’n stuk skep wat die verstand en die hart aanraak; van hoe dit is om nou te lewe en terug te kyk na die donkerte van ons koloniale geskiedenis,” het John verlede jaar in ’n onderhoud met Republikein gesê.
Die fliek leen van sy styl en filmtegnieke uit die film noir-styl. Dié styl gebruik in die algemeen kontrasterende lig om die bleekheid van sekere elemente uit te beeld en om onderliggende eksistensialistiese temas na vore te bring.
Under the Hanging Tree bly ook eg aan sy Namibiese agtergrond met Otjiherero gesegdes om die verskeie dele aan te dui asook verwysings na kulturele gelowe soos Christina se tannie wat sê dat bome die “baarmoeder” is waaruit alle mense ontstaan.
“Katjavivi val nie in die lokval om van die film ’n kommersiële riller te maak nie. In plaas daarvan kies hy om ’n storie te vertel wat stadiger, meer krities, kompulsief en deurslaggewend is,” het Sarala Krishnamurthy in The Conversation geskryf.
– [email protected]
Beide die film se regisseur Perivi John Katjavivi en hoofaktrise Girley Jazama sal as eregaste by dié filmfees ontvang word. Die filmfees begin op 27 Februarie in Sandton.
Katjavivi het in 2018 reeds begin om aan ’n polisiereeks te skryf en het verlede jaar die produk van die skrywe, Under The Hanging Tree, in die hoofstad bekend stel.
Die fliek handel oor ’n geharde polisievrou wat die donker realiteit in die gesig moet staar na ’n man se lewelose liggaam met ’n tou om sy nek aan ’n boom gevind word.
Jazama se karakter, Christina, moet gevolglik ou sere oopkrap wanneer haar ondersoek haar lei tot Namibië se volksmoord.
“My belangstelling is nie soveel in die volksmoord as ’n gebeurtenis nie. Ek het nie belang gestel in ’n polisiefliek of soseer die volksmoord of kolonialisme nie. Ek wou net ’n stuk skep wat die verstand en die hart aanraak; van hoe dit is om nou te lewe en terug te kyk na die donkerte van ons koloniale geskiedenis,” het John verlede jaar in ’n onderhoud met Republikein gesê.
Die fliek leen van sy styl en filmtegnieke uit die film noir-styl. Dié styl gebruik in die algemeen kontrasterende lig om die bleekheid van sekere elemente uit te beeld en om onderliggende eksistensialistiese temas na vore te bring.
Under the Hanging Tree bly ook eg aan sy Namibiese agtergrond met Otjiherero gesegdes om die verskeie dele aan te dui asook verwysings na kulturele gelowe soos Christina se tannie wat sê dat bome die “baarmoeder” is waaruit alle mense ontstaan.
“Katjavivi val nie in die lokval om van die film ’n kommersiële riller te maak nie. In plaas daarvan kies hy om ’n storie te vertel wat stadiger, meer krities, kompulsief en deurslaggewend is,” het Sarala Krishnamurthy in The Conversation geskryf.
– [email protected]
Kommentaar
Republikein
Geen kommentaar is op hierdie artikel gelaat nie