#PasIn: Kletsrymers sê mekaar die stryd in Rehoboth aan

Vir die eerste keer in die dorp se geskiedenis gaan Afrikaanse kletsrymers (rappers) die geleentheid kry om hulle staal op hul tuisgrond te wys.Die Afrikaans Rap Battle word eerskomende Saterdag 1 April – vanaf 18:00 - by Le Palace in Rehoboth aangebied. Dié unieke geleentheid het hoofsaaklik ten doel om die kuns van Afrikaanse rap in dié dorp te bevorder. Die mikpunt is ook om &#039;n platform vir die jeug te skep om hul kreatiwiteit uit te leef, en die blootstelling aan die Afrikaanse taal as kunsvorm is hoog op Kuile Entertainment, die organiseerders, se agenda.Rehoboth se manlike én vroulike aspirant-kletsymers word aangemoedig om in te skryf en deel te neem. Die inskrywingsfooi is N$50 per rapper. Groot pryse is op die spel vir die topdrie-rappers. Die wenner sal wegstap met ‘n kontantprys van N$1 000 en ‘n Hip Hop Gear-geskenkmandjie.Fabian Nel, die eienaar van Kuile Entertainment, sal ook tydens die geleentheid kospakkies vir 200 mense in die dorp weggee.Een van Namibië se beste kletsrymers, DiChef, sal tydens die Rap Battle optree – met ‘n spesiale huldeblyk-optrede vir die ontslape kunstenaar A-Block Cuzzle (Oom K) deur die loop van die aand.Die toegangsfooi vir die publiek is N$10 per persoon en verversings sal te koop wees.Kontak Hiskia by 081 654 9464 vir enige navrae.

#PasIn: Kletsrymers sê mekaar die stryd in Rehoboth aan

Kommentaar

Republikein 2025-06-18

Meld asseblief aan om kommentaar te lewer

#PasIn: Kletsrymers sê mekaar die stryd in Rehoboth aan

Kommentaar

Republikein 2025-06-18

Meld asseblief aan om kommentaar te lewer

MELD AAN

Advertensie