PAS IN: Romantiese fliek spesiaal vir Valentynsdag op kykNET
Om en om, ’n spesiale Valentynsdag-fliek met ’n sterrolverdeling maak Saterdag 11 Februarie sy debuut op kykNET – ‘n fliek vir almal wat in die liefde glo en ook vir hulle wat nog twyfel.
Nie net ’n liefdesbrief aan Kaapstad nie, maar ook ’n liefdesbrief aan almal – selfs dié wat al deur die meul is – wat nog in liefde glo. Om en om is ’n vollengte TV-film wat onder opdrag van kykNET (DStv-kanaal 144) spesiaal vir Valentynsdag geskryf en vervaardig is. In die rolverdeling is Troukoors se Ilse-Lee van Niekerk as Liesl en Evan Hengst, bekend vir sy werk in die The Kissing Booth-flieks, as Sybrand.
Die bekroonde aktrise Cintaine Schutte is te sien as Jo, Liesl se kollega en die boelie in die kantoor, en Greg Kriek het spesiaal van Amerika af gekom om die rol van Merwe te vertolk. Ook te sien is Erica Wessels, Albert Maritz, Ira Blanckenberg, Melt Sieberhagen en Daneel van der Walt. Die draaiboek is deur Retief Scholtz en die regisseur is Willem Grobler. Die klankbaan is deur Chad Zerf gekomponeer.
Sybrand Meyer, ’n valerige rekenmeester, en Liesl Tredoux, ’n werkverslaafde prokureur, woon elkeen op hulle eie in Kaapstad. Hy verwerk nog ’n liefdesteleurstelling en sy sal eerder in die kantoor wees as op soek na liefde. Terwyl hulle onderskeie lewens nie ’n straf is nie, is dit nie juis opwindend nie. Dis Vrydagaand en Liesl se kollega Jo is oortuig dat Liesl nie impulsief genoeg is nie. Liesl stem uiteindelik in om saam met Jo en ’n paar ander uit te gaan.
In ’n ander deel van die stad probeer Sybrand sy ma se pogings om vir hom ’n blinde afspraak te reël vryspring en hy bied aan om die motorbestuurder vir sy kollegas te wees. ’n Reeks misverstande laat Liesl en Sybrand by dieselfde tafel beland en in nog ’n kinkel moet hulle Liesl se sleutels begin soek. Wanneer die horlosie middernag slaan, gaan hulle terug na hulle lewens soos wat dit was. Of dalk nie?
“Ek is mal oor hoe vasberade Liesl is,” sê Ilse-Lee. “Sy het deursettingsvermoë wat skrik vir niks nie. Ek hoop regtig kykers geniet dit. Dis ’n lekker stukkie pret en liefde en moet geniet word met springmielies en sjokolade.”
“Ek glo dat jy soms gekies word om ’n karakter te speel en ander kere kies die karakter jou,” sê Evan. “Die rol van Sybrand het my die geleentheid gegee om deur my eie lewe te gaan en my persoonlike uitkyk op verhoudings en liefde te ondersoek en te bevraagteken. Ek en Sybrand deel eienskappe, maar ons het ook verskille. Met die teks as kompas, kon ek sy lewensverhaal met al sy fiemies en herinneringe skep.”
Is Sybrand vir hom ’n romantiese held?
“Wie hou nou nie van ’n 'loveable loser' nie?” vra Evan. “Iemand wat nooit die meisie op hoërskool gekry het nie, maar op die ou end wen hy almal se harte wanneer hy die uitdaging aanvaar. Sybrand is beslis een van hulle en ek hoop kykers neem hom in hulle harte, net soos al die ander vreemde en wonderlike karakters in Om en om.”
“Die hele fliek is in Kaapstad verfilm,” sê die vervaardiger Jaco Notnagel. “Ons het onder meer in die ikoniese De Waal-park geskiet en ons is dankbaar vir Iziko Museums wat vir ons toegang tot die planetarium gegee het.” Hy is vol lof vir die spelers wat die kleiner rolle speel. “Albert en Ira is Romano en Julia, ’n verliefde ouer paartjie wat vir die hoofkarakters wys wie nie waag nie, wen nie. Melt maak ’n meesterlike kameerolverskyning as Sulky die nar en Daneel is die ontdeunde kroegvrou wat vir die hoofkarakters leidrade op hulle onverwagse aand in Kaapstad gee.”
“’n Skrywer kry nie altyd die geleentheid om ’n romantiese komedie te skryf nie en daarom het ek alles ingegooi,” sê Retief. “Ek wou ’n fliek skryf vir die 'underdog' wat nie altyd liefde vind nie. Hulle wat alleen is, wat seergekry het, maar om te wys dat mens nooit hoop moet verloor nie.”
Hy sê sy obsessie en totale liefde vir Kaapstad het ’n rol gespeel. “Ek is meer van ’n huishen, maar het nog altyd gewonder hoe ’n aand uit in Kaapstad kan lyk, veral wanneer dit by die liefde kom. Ek is baie trots op die eindproduk en hoe alles bymekaar gekom het.”
-Om en om, ’n speelfilm van 90 minute, se debuut is op 11 Februarie om 20:00 op kykNET, DStv-kanaal 144. Dit sal ook op Catch Up beskikbaar wees.
Nie net ’n liefdesbrief aan Kaapstad nie, maar ook ’n liefdesbrief aan almal – selfs dié wat al deur die meul is – wat nog in liefde glo. Om en om is ’n vollengte TV-film wat onder opdrag van kykNET (DStv-kanaal 144) spesiaal vir Valentynsdag geskryf en vervaardig is. In die rolverdeling is Troukoors se Ilse-Lee van Niekerk as Liesl en Evan Hengst, bekend vir sy werk in die The Kissing Booth-flieks, as Sybrand.
Die bekroonde aktrise Cintaine Schutte is te sien as Jo, Liesl se kollega en die boelie in die kantoor, en Greg Kriek het spesiaal van Amerika af gekom om die rol van Merwe te vertolk. Ook te sien is Erica Wessels, Albert Maritz, Ira Blanckenberg, Melt Sieberhagen en Daneel van der Walt. Die draaiboek is deur Retief Scholtz en die regisseur is Willem Grobler. Die klankbaan is deur Chad Zerf gekomponeer.
Sybrand Meyer, ’n valerige rekenmeester, en Liesl Tredoux, ’n werkverslaafde prokureur, woon elkeen op hulle eie in Kaapstad. Hy verwerk nog ’n liefdesteleurstelling en sy sal eerder in die kantoor wees as op soek na liefde. Terwyl hulle onderskeie lewens nie ’n straf is nie, is dit nie juis opwindend nie. Dis Vrydagaand en Liesl se kollega Jo is oortuig dat Liesl nie impulsief genoeg is nie. Liesl stem uiteindelik in om saam met Jo en ’n paar ander uit te gaan.
In ’n ander deel van die stad probeer Sybrand sy ma se pogings om vir hom ’n blinde afspraak te reël vryspring en hy bied aan om die motorbestuurder vir sy kollegas te wees. ’n Reeks misverstande laat Liesl en Sybrand by dieselfde tafel beland en in nog ’n kinkel moet hulle Liesl se sleutels begin soek. Wanneer die horlosie middernag slaan, gaan hulle terug na hulle lewens soos wat dit was. Of dalk nie?
“Ek is mal oor hoe vasberade Liesl is,” sê Ilse-Lee. “Sy het deursettingsvermoë wat skrik vir niks nie. Ek hoop regtig kykers geniet dit. Dis ’n lekker stukkie pret en liefde en moet geniet word met springmielies en sjokolade.”
“Ek glo dat jy soms gekies word om ’n karakter te speel en ander kere kies die karakter jou,” sê Evan. “Die rol van Sybrand het my die geleentheid gegee om deur my eie lewe te gaan en my persoonlike uitkyk op verhoudings en liefde te ondersoek en te bevraagteken. Ek en Sybrand deel eienskappe, maar ons het ook verskille. Met die teks as kompas, kon ek sy lewensverhaal met al sy fiemies en herinneringe skep.”
Is Sybrand vir hom ’n romantiese held?
“Wie hou nou nie van ’n 'loveable loser' nie?” vra Evan. “Iemand wat nooit die meisie op hoërskool gekry het nie, maar op die ou end wen hy almal se harte wanneer hy die uitdaging aanvaar. Sybrand is beslis een van hulle en ek hoop kykers neem hom in hulle harte, net soos al die ander vreemde en wonderlike karakters in Om en om.”
“Die hele fliek is in Kaapstad verfilm,” sê die vervaardiger Jaco Notnagel. “Ons het onder meer in die ikoniese De Waal-park geskiet en ons is dankbaar vir Iziko Museums wat vir ons toegang tot die planetarium gegee het.” Hy is vol lof vir die spelers wat die kleiner rolle speel. “Albert en Ira is Romano en Julia, ’n verliefde ouer paartjie wat vir die hoofkarakters wys wie nie waag nie, wen nie. Melt maak ’n meesterlike kameerolverskyning as Sulky die nar en Daneel is die ontdeunde kroegvrou wat vir die hoofkarakters leidrade op hulle onverwagse aand in Kaapstad gee.”
“’n Skrywer kry nie altyd die geleentheid om ’n romantiese komedie te skryf nie en daarom het ek alles ingegooi,” sê Retief. “Ek wou ’n fliek skryf vir die 'underdog' wat nie altyd liefde vind nie. Hulle wat alleen is, wat seergekry het, maar om te wys dat mens nooit hoop moet verloor nie.”
Hy sê sy obsessie en totale liefde vir Kaapstad het ’n rol gespeel. “Ek is meer van ’n huishen, maar het nog altyd gewonder hoe ’n aand uit in Kaapstad kan lyk, veral wanneer dit by die liefde kom. Ek is baie trots op die eindproduk en hoe alles bymekaar gekom het.”
-Om en om, ’n speelfilm van 90 minute, se debuut is op 11 Februarie om 20:00 op kykNET, DStv-kanaal 144. Dit sal ook op Catch Up beskikbaar wees.
Kommentaar
Republikein
Geen kommentaar is op hierdie artikel gelaat nie