Onvergeetlike Italiaanse klanke in Windhoek

Die Italiaanse ambassade in Pretoria, die konsulaat-generaal van Italië in Johannesburg en die Italiaanse Kultuurinstituut Pretoria vat hande om op 16 April ’n fluit- en klavierkonsert deur die duo Sello & Canino in Windhoek aan te bied. Dié konsert kan boonop gratis bygewoon word!Die duo se musikale skepping en samewerking het onmiddellik hul vermoë gewys om onvergeetlike emosies oor te dra, &#039;n eienskap wat hulle lof van beide die algemene publiek en internasionale kritici besorg het.Die pianis Bruno Canino het sy opleiding aan die Napels Konservatorium in Italië ontvang en erkenning gekry deur internasionale kompetisies in Bolzano en Darmstadt. Hy het verskeie belangrike werke opgeneem, insluitend Bach se Goldberg Variations, volledige klavierkomposisies van Casella, en stukke deur Prokofjef, Ravel en Stravinsky saam met die violis Viktoria Mullova, &#039;n opname wat hom die Edison-prys besorg het. Hy het as &#039;n klavieronderwyser by die Milaan Konservatorium en die Hochschule in Bern gewerk en het as ’n artistieke direkteur gedien, insluitend by die 1999-2002 Venesiese Biënnale.Die fluitspeler Luisa Sello is &#039;n kunstenaar wat deur die Italiaanse ministerie van kulturele erfenis gekies is om Italiaanse musiek te verteenwoordig. Sy het reeds met bekende kunstenaars soos Riccardo Muti, Teatro alla Scala in Milaan, Trevor Pinnock en Alirio Diaz saamgewerk. Sy het akademiese grade in fluit en moderne tale en letterkunde (BA en PhD) en is &#039;n vaste professor in die fluit aan die Konservatorium van Milaan en Triëst.Dié konsert sal by Namibië se Nasionale Teater aangebied word. Toegang is gratis, en plek kan bespreek word via eventbrite.it.

Onvergeetlike Italiaanse klanke in Windhoek

Kommentaar

Republikein 2025-11-05

Meld asseblief aan om kommentaar te lewer

Onvergeetlike Italiaanse klanke in Windhoek

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.