Om moed bo vrees te kies
Jy is dapperder as jy dink
Be Brave gaan oor gee, oor vrouwees, oor mekaar ondersteun en aanmoedig om hul beste self te wees.
Sy is ’n gewone Namibiese vrou wat vier-en-’n-half jaar gelede saam met haar man en twee kinders Ierland toe verhuis het.
Hulle het met niks begin nie, vertel Astrid O’Callaghan, maar stap vir stap, soms bang, maar altyd dapper, het hulle ‘n nuwe opgebou.
Dapperheid is deel van elke vessel in haar lyf en dit is haar missie om ook aan ander vroue te wys jy is tot enigiets in staat waar jy jou ook al in jou lewe bevind.
Want as daar ‘n wil is, is daar ‘n weg, sê Astrid, stigter van Be Brave, ‘n beweging en platform wat vroue inspireer om met selfvertroue ruimtes in te stap en te verower wat hulle gedink het hul nooit beskore sou wees nie.
Vanjaar is dit die tweede keer wat Be Brave ‘n Namibiese draai maak, nadat plaaslike vroue verlede jaar die geleenthede met ope arms ontvang en bygewoon het. Die jaar kuier die gewilde sangeres Riana Nel en die motiveringspreker en akteur Hykie Berg in Windhoek en by Etosha Corner naby Outjo saam.
“Ek sê altyd as ek my hele hart in ’n boks kon sit en vir mense kon gee, sou ek!,” laat weet Astrid uit verre Ierland ‘n dag of wat voordat sy na haar geliefde tuisland sou vlieg.
“Hierdie dag gaan oor gee, oor vrouwees, oor mekaar ondersteun. Baie vroue het verlede jaar getuig dat hulle ná die geleentheid ligter gevoel het. In ’n wêreld vol gebeure wat ons swaar laat voel, wou ek iets skep wat vroue aanmoedig om hul beste self te wees,” skryf Astrid per e-pos.
Sy wens daar was ‘n lewensgids vir vroue, iemand of iets wat haar in moeilike tye kon aanmoedig en rigting kon gee, erken sy.
“Ek het al seergekry, kanse laat verbygaan en aan myself getwyfel.”
Maar deur dapper besluite het sy in Ierland groot sukses behaal – nie omdat sy spesiaal is nie, maar omdat sy bereid was om moed bo vrees te kies.
“As ek net één vrou in ’n gehoor van 200 kan laat besef sy is tot enigiets in staat, is my doel bereik.”
Astrid hou die Be Brave-geleenthede “oop en inklusief” - elke vrou is welkom, of sy jonk of oud is, werk of tuis is.
“Namibiese gehore is warm en spontaan, daar is dadelik drukkies en geselsies. In Ierland is mense ook vriendelik, maar hulle neem eers van ’n afstand waar.”
By hul eerste Be Brave-geleentheid in Ierland het die vroue aanvanklik nie geweet wat om te verwag nie, vertel Astrid, “maar teen die einde het ons saam gelag en saam gehuil, dit was besonders om te sien.”
Dit vul beslis haar sielsbeker, sê sy.
Astrid neem gereeld aan paneelbesprekings in Ierland deel met 'n onlangse bespreking wat gemik was op jong leiers in die werksplek en gefokus het op die bestuur van doelwit teenoor wins.
“Die korporatiewe wêreld is uitdagend, en ek wil graag jong leiers help om dit net bietjie makliker te maak. Ek is bevoorreg om deel te wees van die Global Women ERG (Employee Resource Group) by een van Ierland se grootste genoteerde maatskappye (Top 500 in die VSA). Dit het my verbind met vroue oraloor die wêreld en van wie die Amerikaners van my gunstelinge is!”
Hierdeur het sy geleer elke vrou se hart het baie keer dieselfde vrae. In dieselfde week het sy van ’n vrou in Amsterdam én een in Amerika dieselfde woorde gehoor: ‘Is ek genoeg?’
“Dit het my weer laat besef hoe belangrik dit is dat ons vroue saamstaan en mekaar voortdurend herinner aan hoe ongelooflik ons werklik is! Hierdie ervarings vul my hart, en Be Brave gee my die geleentheid om dieselfde inspirasie terug te bring na my tuisland.”
Hoewel die Be Brave-geleentheid in Swakopmund ongelukkig “met baie hartseer maar ook met die wete dat alles gebeur soos dit moet” gekanselleer moes word, is daar die twee in Windhoek en by Etosha Corner waarna vroue (en Astrid) kan uitsien.
“Ons sien nou baie uit na ons kuiers in Outjo saam met Riana en in Windhoek saam met Hykie. Ons is amper op 200 gaste per geleentheid, maar daar is steeds ’n paar plekke oop – en kaartjies is tans teen ’n groot afslag beskikbaar!”
Astrid beloof die oggend is propvol inspirasie, heerlike kos, ’n pamperlangpakkie op elke sitplek en fantastiese weggeepryse waaronder soos Swarovski-oorbelle, pêrels uit Ierland, luukse handsakke, Ierse lipstiffies en meer.
“Ons wil hê elke vrou moet dié dag spesiaal voel en met moed wegstap om grense te oorskry.”
Een van die vroue wat verlede jaar ‘n Be Brave-geleentheid op Swakopmund bygewoon het, skryf op hul Facebookblad hoe dit ‘n blywende indruk op haar gemaak het.
Die oggend was gevul met kragtige en inspirerende ware verhale wat deur ongelooflike vroue gedeel is wat elkeen hul waagmoed, krag en veerkragtigheid getoon het. Sommige oomblikke het trane in my oë gebring, ander het my weer herinner aan hoe sterk en spesiaal ons in God se oë is. Die oggend was ‘n herinnering aan die feit dat ons meer as bekwaam is as wat ons dikwels besef en dat ons elkeen unieke en waardevolle individue is.”
As jy nog nie ‘n kaartjie het nie, gaan dadelik na Be Brave Events se Facebookblad of webtuiste https://bebrave.events/ en kry joune!
Kliek hier vir ‘n boodskap van Hykie Berg oor sy deelname aan die Be Brave-geleentheid in Windhoek: https://q.my.na/MJQG
Hulle het met niks begin nie, vertel Astrid O’Callaghan, maar stap vir stap, soms bang, maar altyd dapper, het hulle ‘n nuwe opgebou.
Dapperheid is deel van elke vessel in haar lyf en dit is haar missie om ook aan ander vroue te wys jy is tot enigiets in staat waar jy jou ook al in jou lewe bevind.
Want as daar ‘n wil is, is daar ‘n weg, sê Astrid, stigter van Be Brave, ‘n beweging en platform wat vroue inspireer om met selfvertroue ruimtes in te stap en te verower wat hulle gedink het hul nooit beskore sou wees nie.
Vanjaar is dit die tweede keer wat Be Brave ‘n Namibiese draai maak, nadat plaaslike vroue verlede jaar die geleenthede met ope arms ontvang en bygewoon het. Die jaar kuier die gewilde sangeres Riana Nel en die motiveringspreker en akteur Hykie Berg in Windhoek en by Etosha Corner naby Outjo saam.
“Ek sê altyd as ek my hele hart in ’n boks kon sit en vir mense kon gee, sou ek!,” laat weet Astrid uit verre Ierland ‘n dag of wat voordat sy na haar geliefde tuisland sou vlieg.
“Hierdie dag gaan oor gee, oor vrouwees, oor mekaar ondersteun. Baie vroue het verlede jaar getuig dat hulle ná die geleentheid ligter gevoel het. In ’n wêreld vol gebeure wat ons swaar laat voel, wou ek iets skep wat vroue aanmoedig om hul beste self te wees,” skryf Astrid per e-pos.
Sy wens daar was ‘n lewensgids vir vroue, iemand of iets wat haar in moeilike tye kon aanmoedig en rigting kon gee, erken sy.
“Ek het al seergekry, kanse laat verbygaan en aan myself getwyfel.”
Maar deur dapper besluite het sy in Ierland groot sukses behaal – nie omdat sy spesiaal is nie, maar omdat sy bereid was om moed bo vrees te kies.
“As ek net één vrou in ’n gehoor van 200 kan laat besef sy is tot enigiets in staat, is my doel bereik.”
Astrid hou die Be Brave-geleenthede “oop en inklusief” - elke vrou is welkom, of sy jonk of oud is, werk of tuis is.
“Namibiese gehore is warm en spontaan, daar is dadelik drukkies en geselsies. In Ierland is mense ook vriendelik, maar hulle neem eers van ’n afstand waar.”
By hul eerste Be Brave-geleentheid in Ierland het die vroue aanvanklik nie geweet wat om te verwag nie, vertel Astrid, “maar teen die einde het ons saam gelag en saam gehuil, dit was besonders om te sien.”
Dit vul beslis haar sielsbeker, sê sy.
Astrid neem gereeld aan paneelbesprekings in Ierland deel met 'n onlangse bespreking wat gemik was op jong leiers in die werksplek en gefokus het op die bestuur van doelwit teenoor wins.
“Die korporatiewe wêreld is uitdagend, en ek wil graag jong leiers help om dit net bietjie makliker te maak. Ek is bevoorreg om deel te wees van die Global Women ERG (Employee Resource Group) by een van Ierland se grootste genoteerde maatskappye (Top 500 in die VSA). Dit het my verbind met vroue oraloor die wêreld en van wie die Amerikaners van my gunstelinge is!”
Hierdeur het sy geleer elke vrou se hart het baie keer dieselfde vrae. In dieselfde week het sy van ’n vrou in Amsterdam én een in Amerika dieselfde woorde gehoor: ‘Is ek genoeg?’
“Dit het my weer laat besef hoe belangrik dit is dat ons vroue saamstaan en mekaar voortdurend herinner aan hoe ongelooflik ons werklik is! Hierdie ervarings vul my hart, en Be Brave gee my die geleentheid om dieselfde inspirasie terug te bring na my tuisland.”
Hoewel die Be Brave-geleentheid in Swakopmund ongelukkig “met baie hartseer maar ook met die wete dat alles gebeur soos dit moet” gekanselleer moes word, is daar die twee in Windhoek en by Etosha Corner waarna vroue (en Astrid) kan uitsien.
“Ons sien nou baie uit na ons kuiers in Outjo saam met Riana en in Windhoek saam met Hykie. Ons is amper op 200 gaste per geleentheid, maar daar is steeds ’n paar plekke oop – en kaartjies is tans teen ’n groot afslag beskikbaar!”
Astrid beloof die oggend is propvol inspirasie, heerlike kos, ’n pamperlangpakkie op elke sitplek en fantastiese weggeepryse waaronder soos Swarovski-oorbelle, pêrels uit Ierland, luukse handsakke, Ierse lipstiffies en meer.
“Ons wil hê elke vrou moet dié dag spesiaal voel en met moed wegstap om grense te oorskry.”
Een van die vroue wat verlede jaar ‘n Be Brave-geleentheid op Swakopmund bygewoon het, skryf op hul Facebookblad hoe dit ‘n blywende indruk op haar gemaak het.
Die oggend was gevul met kragtige en inspirerende ware verhale wat deur ongelooflike vroue gedeel is wat elkeen hul waagmoed, krag en veerkragtigheid getoon het. Sommige oomblikke het trane in my oë gebring, ander het my weer herinner aan hoe sterk en spesiaal ons in God se oë is. Die oggend was ‘n herinnering aan die feit dat ons meer as bekwaam is as wat ons dikwels besef en dat ons elkeen unieke en waardevolle individue is.”
As jy nog nie ‘n kaartjie het nie, gaan dadelik na Be Brave Events se Facebookblad of webtuiste https://bebrave.events/ en kry joune!
Kliek hier vir ‘n boodskap van Hykie Berg oor sy deelname aan die Be Brave-geleentheid in Windhoek: https://q.my.na/MJQG
Kommentaar
Republikein
Geen kommentaar is op hierdie artikel gelaat nie