Nuwe ‘Avatar’ steek kerf van $2 miljard verby

The Walt Disney Company se rolprent Avatar: The Way of Water het Sondag die $2 miljard-kerf by die loket wêreldwyd verbygesteek.James Cameron sê die rolprent moet die $2 miljard-kerf bereik net om gelyk te breek, berig Reuters.The Way of Water is in Desember uitgereik, 13 jaar nadat die oorspronklike Avatar die wêreld van Pandora bekend gestel het en ’n wêreldwye verskynsel geword het.Loketverkope vir The Way of Water het Sondag $2,024 miljard beloop volgens ramings deur Disney.Sowat $1,4 miljard se kaartjieverkope het van internasionale markte buite Amerika en Kanada gekom.Variety berig Cameron is verantwoordelik vir drie van die ses grootste rolprente van alle tye. Hy is ook die enigste regisseur met drie rolprente wat $2 miljard oorskry.Die aktrise Zoe Saldaña, wat Neytiri in die Avatar-reeks vertolk, het nou gespeel in vier van die ses rolprente wat dié geld ingebring het. Sy is ook in Avengers: Endgame sowel as Avengers: Infinity War, waar sy haar rol van Gamora in Guardians of the Galaxy hervat.“Die rolprent het nou by die baie eksklusiewe loketklub aangesluit en dit byna moeiteloos laat lyk,” sê Paul Dergarabedian, senior media-ontleder by die maatskappy Comscore, berig CNBC.Die bedryf het gesukkel om te herstel ná die Covid-19-pandemie omdat mense verkies het om by die huis te kyk en minder flieks die grootskerm bereik het.Namate die bedryf herstel, het rolprente soos The Way of Water bewys dat fliekgangers gretig is om weer na rolprentteaters te gaan.Disney het nie die rolprent se begroting bekend gemaak nie, maar The Hollywood Reporter sê dit kos minstens $350 miljoen om te vervaardig plus bemarkingskoste. Ateljees deel kaartjieverkope met rolprentteaters.’n Derde Avatar-rolprent, wat Cameron reeds verfilm het, sal na verwagting in Desember 2024 uitgereik word.Die vierde en vyfde aflewerings word vir Desember 2026 en Desember 2028 beplan.Bron: Netwerk24

Nuwe ‘Avatar’ steek kerf van $2 miljard verby

Kommentaar

Republikein 2026-06-10

Meld asseblief aan om kommentaar te lewer

Nuwe ‘Avatar’ steek kerf van $2 miljard verby

Kommentaar

Republikein 2026-06-10

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.