Namibiërs skitter op internasionale verhoog

Aspirant-akteurs uit eie bodem het onlangs die voorreg en geleentheid gehad om die gesogte Project AIM-konvensie by te woon wat jaarliks aan boord ‘n MSC-skip plaasvind. Die geleentheid bring talentvolle kunstenaars van oraloor die wêreld byeen om voor internasionale agente en beoordelaars in die talentafdeling deel te neem.Namibiërs het hul uitstekend op die internasionale verhoog presteer, met die volgende studente wat hul geboorteland trots gemaak het:Lovisa Shaanika word gekroon as algehele senior akteur van die jaar.Michelle Loubser behaal die derde plek in die senior afdeling.Walsey Bosman behaal die algehele derde plek in die junior afdeling.Na die Namibiese akteurs se optredes wat deur agente vir rolverdelings beoordeel en ook terug geroep is, het die groep deelnemers uit tuisbodem elk pakkette vir studiebeurse van ‘ngesogte toneelvereniging in New York ontvang. Verder het die Namibiërs elk gekwalifiseer om die International Modeling and Talent Association (IMTA) se konvensie in New York onder die vaandel van Figures International bywoon.Die groep is vergesel van Michelle Loubser, eienaar van The Drama Club, en Rolinda van den Heever, hooftalentsoeker van Project AIM se hoofkantoor. Vir Michelle is dit ’n groot voorreg om elke jaar by hierdie internasionale geleentheid betrokke te wees en jong talent te begelei op hul reis na die wêreldverhoog. Buiten vir die saamreis, speel Michelle en Rolinda ook ’n aktiewe rol in die ontwikkeling van hul loopbane.Aspirant-akteurs wat graag hul buiging op die verhoog wil maak, het nog tot 31 Mei die kans om aan die aanlyn oudisies deel te neem.“Ons moedig alle aspirerende akteurs aan om in te skryf en hierdie geleentheid aan te gryp,” sê Michelle.As jy akteursdrome het, kontak vir Rolinda by 081 256 3832 of Michelle by 081 330 5253 en stuur jou opname van jou oudisie dadelik in! PROJECT AIMProject Aim is 'n professionele konvensie wat jaarliks gehou word.Sedert 2008 het AIM 'n gesogte leier geword in die bekendstelling van nuwe gesigte voor meer as 10 nasionale en internasionale agente en rolverdelingsdirekteure.'n Indrukwekkende en voortdurend groeiende lys mense wat die konvensie van drie dae bywoon, het al hul buigings in van tydskrifte, op televisie, rolprente en nasionale en internasionale modeskoue gemaak.Deelnemers ontvang uitgebreide opleiding en voorbereiding voor die driedaagse konvensie aan boord van die MSC Cruise. Opleiding sluit in klerekaswenke, haartegnieke, tegnieke vir die kamera, asook loopbaanopleiding. Die projek is oop vir alle aspirant- internasionale seuns en meisies modelle tot die ouderdom van 24 jaar.THE DRAMA CLUBThe Drama Club in Windhoek fokus op die bou van selfvertroue, kommunikasie en toneelspelvaardighede deur middel van weeklikse werkwinkels wat improvisasie, karakterisering en teatertegnieke dek, met geleenthede vir opvoerings, kompetisies en internasionale blootstelling.As jy meer wil weet, stuur ‘n e-pos aan info.thedramaclub@yahoo.com of kontak vir Michelle by 081 330 5253.

Namibiërs skitter op internasionale verhoog

Kommentaar

Republikein 2026-06-10

Meld asseblief aan om kommentaar te lewer

Namibiërs skitter op internasionale verhoog

Kommentaar

Republikein 2026-06-10

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.