'n Safari vir skoonhede

Namibië se Mej. Heelal-wenner van 1992, Michelle McLean, is die gasvrou van ’n reünie van deelnemers van dieselfde jaar en ook voormalige titelhouers van oraloor die wêreld wat sy op 'n baie spesiale Namibiese safari bring. Die safari wat van 14 tot 23 Maart duur, volg meer as drie dekades sedert die vroue die wêreldverhoog by die 1992-kompetisie gedeel het. Veertien voormalige deelnemers sal hulle by Michelle in Namibië aansluit vir een van die grootste reünies van skoonhede uit 1992 en dit op plaaslike bodem.Vir Michelle is die geleentheid om dit in haar geboorteland aan te bied, 'n droom wat sy reeds vir jare saam met haar dra.“Ek is baie opgewonde dat ek ná 34 jaar sedert ek die titel vir Namibië gewen het, nou my mede-deelnemers van oraloor die wêreld in Namibië kan ontvang,” sê sy trots.Die reünie is ook ’n getuienis van die langdurige vriendskappe wat tydens die kompetisie gesmee is. Die groep het voorheen in Barcelona in 2018 en in Miami in 2020 ontmoet.Vanjaar se byeenkoms is in die vorm van ’n safari in samewerking met Gondwana Collection Namibia wat met die groep skoonhede se reis deur die land verblyf by verskillende Gondwana-lodges verskaf.Namibië is die perfekte bestemming, omdat baie van die deelnemers al lank Afrika wou besoek.“Baie mense oraloor die wêreld, insluitend my Mej. Heelal-susters, is gefassineer deur Afrika en spesifiek Namibië. Dit was op hul wenslys,” het sy gesê.LEER NAMIBIË KENHul Namibiese safari sluit buiten 'n besoek aan die Namibwoestyn oor die Etosha Nasionale Park in. Buiten die fokus op toerisme sal bewarings- en gemeenskapsinisiatiewe in Namibië ook tydens die safari in die kollig geplaas word, verduidelik Michelle. Projekte wat deur die Michelle McLean Children Trust ondersteun word, asook inisiatiewe onder die vaandel van die Gondwana Care Trust sal besoek word.“As voormalige Mej. Heelal-deelnemers was baie van die vroue betrokke by filantropiese werk in hul eie lande. Dit is ’n geleentheid om ook die projekte te wys wat ons in Namibië ondersteun,” het Michelle verduidelik.McLean is in 1992 op 19-jarige ouderdom as Mej. Heelal gekroon en het die eerste en tot op hede enigste Namibiër geword wat die titel verower het. Sy was ook een van die jongste wenners in die kompetisie se geskiedenis. - – republikein@republikein.com.na

'n Safari vir skoonhede

Kommentaar

Republikein 2026-03-26

Meld asseblief aan om kommentaar te lewer

'n Safari vir skoonhede

Kommentaar

Republikein 2026-03-26

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.