‘n Nuwe tuiste vir kuns

Die Namibiese Kunsvereniging (NAA) se ruimte, waar allerlei kuns gehuisves en uitgestal sal word, het ‘n nuwe baadjie gekry en is onlangs in die hoofstad heropen. Skilderye, beeldhou- en houtsneewerke en foto’s is van die kunswerke wat hier aangetref sal word.Die NAA stal tans sowat 30 uitgesoekte werke uit, maar het nog 1 500 stukke in sy skatkis.Die hekke na Robert Mugabelaan 122, waar die NAA geleë is, is ook deur kunstenaars ontwerp. Die groter een reg voor die ingang word “Breath of Namibia” genoem en is ontwerp deur Quinn Goses, ‘n plaaslike kunstenaar wat al kunskompetisies gewen het.Die NAA beywer hulle vir die bemagtiging van kunstenaars en wil hulle die geleentheid gee om ‘n blywende nalatenskap te laat.Sedert die heropening is hierdie hek oop vir almal om die huidige uitstalling en dié wat in die toekoms sal volg, te kom besoek.By die openingsgeleentheid is beklemtoon dat kuns baie kan uitbeeld, veral die geskiedenis van Namibië. In die 1970’s was die fokus van die vereniging byvoorbeeld meer op Europese kuns, hoewel die fokus vandag duidelik op Namibië en sy kunstenaars is.Die vereniging het ook benadruk die uitstallings wat by die NAA aangebied word, sal gereeld afwissel om meer van die bestaande versameling ten toon te stel. Aan die een kant word die kuns bewaar, en aan die ander kant verseker die NAA ook dat die publiek toegang daartoe het.Die doel van die ruimte is om ‘n kontakpunt vir kunstenaars te wees waar hulle hul kreatiwiteit vrylik kan verken. Daarom is rolprentaande, modevertonings en uitvoerende kunste in die toekoms op die NAA se agenda.‘n Kafee of bistro sal in Mei op die perseel oopmaak.Die NAA se nuwe webwerf is nou ook aktief, waar virtuele toere van huidige en komende uitstallings aangebied word.– republikein@republikein.com.na

‘n Nuwe tuiste vir kuns

Kommentaar

Republikein 2026-09-18

Meld asseblief aan om kommentaar te lewer

‘n Nuwe tuiste vir kuns

Kommentaar

Republikein 2026-09-18

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.