Kuskore hou saam konsert

Nikanor Nangolo – Swakopmund Acapella Singers, ‘n manlike a cappella-groep van Swakopmund, die Hosianna Jeugkoor en Dynamic Vocals sal kragte saamspan vir ‘n konsert by die Hosianna-kerk in Walvisbaai op 25 November.Die konsert sal om 19:00 afskop.“Ons wil die jeug se aktiwiteitsvlak en kulturele diversiteit ‘n hupstoot gee. Ons werk aan ‘n paar wonderlike liedjies wat koor- en a cappella-liefhebbers op hul voete sal hê. Ons gaan ‘n lied saam met die Hosianna-koor en Dynamic Vocals uitvoer, en dit sal ‘n buitengewone ervaring wees. Ek nooi die Walvisbaai-familie hartlik uit om hul Vrydagaand saam met ons by Hosianna Parish te kom geniet,” het Titage /Uiseb, die stigter en voorsitter van Swakopmund Acapella Singers, gesê.Swakopmund Acapella Singers het onlangs in Julie ‘n konsert saam met die CGals-koor aangebied. Die groep hou gereeld saam met ander kore konsert om idees onder mekaar te deel om sodoende die musiekkanale oraloor die land te laat groei. Die koor hou ook op 24 Desember ‘n Kerskonsert by die Farmhouse Deli.Sedert die stigting van die koor het die sangers ontwikkel van ‘n groep vriende wat vir die lekkerte saam gesing het tot ‘n koor wat aan internasionale kompetisies deelneem.Swakopmund Acapella Singers het na Noorweë gereis en ook aan die ATKV Animato-kompetisie in Suid-Afrika deelgeneem – waar hulle &#039;n tweede plek verower het. Die koor het die Advanced Trinity-eksamen by die Unisa Advanced-kooreksamen in 2014 en 2017 geslaag en by beide geleenthede 97% behaal, asook die Advanced Choral-eksamen met ‘n A-simbool geslaag.Die Swakopmund Acapella Singers sing onder meer gospel, tradisionele Afrika-liedjies, volksliedjies, koor en a cappella. Die koor sing in verskeie plaaslike en internasionale tale, insluitend Khoekhoegowab, Oshiwambo, Otjiherero, Engels, Afrikaans, Xhosa en Zoeloe, sowel as Italiaans en Duits. Die koor tree gewoonlik by Ocean Cellars en Brewer and Butcher (Strand Hotel-restaurante) op en vermaak ook gaste op vaartskepe, by gala-etes, troues, verjaardagpartytjies, sakebyeenkomste en tydens township-toere.– republikein@republikein.com.na

Kuskore hou saam konsert

Kommentaar

Republikein 2025-11-04

Meld asseblief aan om kommentaar te lewer

Kuskore hou saam konsert

Kommentaar

Republikein 2025-11-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.