Kuns en kos

Dit is hier waar kuns en cuisine mekaar in ‘n unieke sensoriese ervaring ontmoet in ‘n ruimte wat gewy word aan outentieke, handgemaakte kreatiwiteit - op jou bord en teen die muur. Vir Windhoekers en besoekers lief vir die fynere dinge van die lewe, is Bellhaus Atelier & Galerie se kunskosklub al ‘n instelling op hul kalender en op 28 Augustus is dit weer so. Aan die beurt is ‘n eet, kyk en kuier saam met die kunstenaars Heidi Louw en Marcii Magson wat tans deel is van die KOLO-uitstalling en die fynproewersdisse van die sjef Siophan Danmart. Tydens die KOLO-koskunservaring het jy die geleentheid om saam met Heidi en Marcii te kuier, omring deur stillewes wat tyd en identiteit vasvang en unieke matte en muurbehangsels wat tekstieltradisies met vet sirkelvormige narratiewe herontwerp. Die intieme kosklub spog met ‘n spyskaart van ses disse wat geïnspireer is deur die natuur se teksture en kleure en voorberei is deur sjef Siophan wat plaaslike, seisoenale bestanddele in haar kosskeppings gebruik. Of jy ‘n getroue aanhanger van of bekend is met kontemporêre kuns of net bloot nuuskierig is, is hierdie ‘n perfekte geleentheid om saam met die KOLO-kunstenaars te kuier en op die koop toe koskuns op ‘n bord te geniet. Jou sitplek aan die tafel kos N$1 000 per persoon. Kliek hier: https://q.my.na/PX5W

Kuns en kos

Kommentaar

Republikein 2025-11-03

Meld asseblief aan om kommentaar te lewer

Kuns en kos

Kommentaar

Republikein 2025-11-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.