Kleur. Kultuur. Erfenis

Onder die vaandel van Die bou van ‘n verenigde stelsel vir kulturele kontinuïteit het vanjaar se 7de jaarlikse Nama-kultuurfees gister met ‘n kerkdiens op Keetmanshoop afgesluit. Die fees oor etlike dae by die Westdene-stadion het van paneelbesprekings, ‘n Langarmdans, kunsuitstallings, kookkuns en en tradisionele danse ingesluit. Deel van die fees wat as platform vir dialoog, refleksie en kollektiewe geheue dien, was die amptelike bekendstelling van die Nama-volkslied wat deur Marcelinus Swartbooi gekomponeer is. Volgens die voorsitter van die fees Dirk Eigub is geskiedenis voordat dit neergeskryf is, bewaar en na generasies oorgedra deur middel van sang. 

“Die volkslied herinner ons mense aan wie hulle is, waar hulle vandaan kom en waarvoor hulle staan,” het Eigub gesê. Tydens die fees is die Khoekhoegowab 30 Seconds-bordspeletjie ook bekendgestel. Op die foto verskyn die Southern Golden Voices en massakoor. FOTO’S ANNUAL NAMA CULTURAL FESTIVAL