Jong musici span kragte saam vir Musikwoche

’n Groep jong musikante bied eerskomende Vrydag ’n musiekkonsert aan om geld vir die Swakopmunder Musikwoche in te samel.Die Musikwoche is sedert 1965 in Swakopmund aangebied met die oog daarop om jong musiektalente gedurende die Desembervakansie te slyp, en het sedert sy ontstaan een van die kus se mees geliefde musiekgeleenthede geword.Musikante van die Namibiese Nasionale Simfonieorkes (NNSO), die Deutsche Höhere Privatschule (DHPS)-orkes, die Namibiese Jeugorkes, APC Oshikuku en leerlinge van die Otjikondo Village School sal Vrydag vanaf 16:30 by die DHPS se ouditorium in Windhoek optree.Oor die byna ses dekades van sy bestaan het die Swakopmunder Musikwoche gedien as ’n geleentheid vir jong musikante uit verskeie sosioëkonomiese en agtergronde om saam te kom om nie net meer oor musiek te leer nie, maar om die geleentheid te kry om saam musiek te maak onder leiding van professionele musikante en dirigente van oraloor die wêreld.Hierdie geleentheid word grootliks moontlik gemaak deur die finansiële ondersteuning van borge.Sowat 70 musikante van oraloor Namibië wat gereeld aan die Swakopmunder Musikwoche deelneem, is genooi om aan dié konsert deel te neem.Anett Kötting, een van die organiseerders van die Musikwoche, sê dat ’n gebrek aan borge tans hierdie geleentheid kniehalter.“Ons het altyd meer borge nodig," verduidelik sy.In die nasleep van die Covid-19-pandemie het die organiseerders van die Musikwoche besluit om alumni van die program te nooi om dosente te word.Die operasangeres Janice van Rooy en die skrywer van die eerste Namibiese opera Eslon Hindundu is onder diegene wat in hul jong dae aan die Musikwoche deelgeneem het.“Skole bied nie meer die kunste aan nie. Hoeveel kinders is daar wat kunstenaars of musikante is wat net nie die geleentheid het om uit te vind of hulle ’n toekoms in musiek het nie? Hierdie is een van die platforms waar hulle daardie blootstelling kan kry,” sê Kötting.“Musikwoche was vir my iets baie spesiaals. Ek het die hele jaar daarna uitgesien, want dit was die enigste groot ding wat die hele jaar in Swakopmund gebeur het.“Dit was ’n platform waar ek vir die eerste keer ander fantastiese musikante in lewende lywe en ander instrumente kon sien en hoor.“Daar was baie eerstes vir my, en as musikant het dit my aan nuwe musiekgenres en nuwe soorte instrumente blootgestel. In my jong lewe was dit fantasties en magies,” sê Janice van Rooy oor haar ervarings by die Musikwoche.– irene@republikein.com.na

Jong musici span kragte saam vir Musikwoche

Kommentaar

Republikein 2026-01-29

Meld asseblief aan om kommentaar te lewer

Jong musici span kragte saam vir Musikwoche

Kommentaar

Republikein 2026-01-29

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.