Ixa se nuwe enkelsnit is hier

Ná amper twee jaar stel die Afrikaanse kletsrymer Ike Jericho Adonis, beter bekend onder sy verhoognaam Ixa, vandag sy nuwe enkelsnit “Wyses is Wys” vry, met Indongo Toyota as die uitvoerende vervaardiger.Dit vorm deel van ’n vennootskap tussen dié musikant en motorhandelaar.Met die vrystelling van die nuwe enkelsnit sal Ixa ook vandag deel van Indongo Toyota se ope dag in Windhoek wees, met die bekendstelling van die New Generation Hilux.Die verhouding tussen Ixa en Indongo Toyota het reeds jare gelede begin.“Hulle was die eerste motorhandelaar wat my met ’n kar geborg het by my eerste KosMOS Fees-optrede. “Dit is altyd ’n goeie ding vir ’n kunstenaar om sakeverhoudings op te bou en dit sê baie oor my handelsmerk as so ’n groot maatskappy steeds met my saamwerk.”Hy meen ook Indongo Toyota se bereidwilligheid om saam met ’n plaaslike kunstenaar te werk, spreek boekdele oor die maatskappy.Benewens die vennootskap, is die nuwe liedjie “Wyses is Wys” se boodskap kragtig.“Aan die einde van 2015 het ek besluit om vir myself ’n doelwit te stel en daardie doelwit was dat ek elke jaar iets deur my musiek wil doen of bereik wat geen ander Afrikaanse kletsrymer hier in Namibië al gedoen of bereik het nie.“Met die Here se hulp, en Indongo Toyota as uitvoerende vervaardiger van die nuwe enkelsnit, is dit nou my 11de jaar wat ek dit regkry.”Die liedjie is op persoonlike ervarings en die verwerking van trauma gebaseer.“Die onmiddellike inspirasie is altyd om my eie pyn te verwerk, maar ek weet ook dat dit baie ander help, want die meeste survivors van childhood trauma dra altyd die burden van secrecy of shame.“Songs gee sulke gevoelens permission om dit te express, want ons almal het probleme, struggles en battles wat ons mee deal en musiek is vir my verniet terapie.”Volgens hom het eerlikheid mettertyd een van sy grootste waardes geword.“Ek glo sterk in eerlikheid en ek het langs die pad kom leer dat ’n mens dit maar baie min hier buite kry. Dis so erg dat baie glo eerlikheid bestaan nie meer nie. “Dis ’n bewys, nie net vir my luisteraars nie, maar ook vir my kind, om te praat oor die dinge wat verkeerd voel, al lyk dit of ’n mens nie mag nie.”Die grootste uitdaging met die nuwe liedjie was om die storie binne die beperkings van ’n liedjie te vertel.“Die enigste uitdaging wat ek met ‘Wyses is Wys’ gehad het, was toe ek die vet moes trim. Omdat ek stories vertel, is dit baie moeilik vir my om ’n storie net in drie verse te rangskik.“Met die meeste van my liedjies sukkel ek daarmee, want dit voel altyd of ek nog baie stories het en baie om te sê, maar spasie of tyd is altyd te min.”Sy boodskap aan mense wat self trauma ervaar het, is eenvoudig.“Praat! Praat help om trauma te verwerk. Moenie skaam wees oor dinge wat jy oorgekom het nie, dinge waaroor jy nie beheer het nie.“Moenie dit inhou nie; jy moet dit laat gaan en eers dan kan jy daaraan begin werk om aan te beweeg.”Hy vertel ook dat sy fokus die afgelope twee jaar op mentorskap was, asook om ATKV-Crescendo as ambassadeur in Namibië te verteenwoordig.“Dis die beste werk wat ek al ooit gehad het!”Ten spyte van sy sukses, is dit sy menswees waarop hy die trotsste is.“Daar is so baie dinge wat ek kan noem, maar as ek een moet kies, dan is dit die feit dat ek nog dieselfde persoon is.“Ek is ’n goeie pa vir my dogter, ’n goeie man vir my vrou, ’n goeie vriend vir my opregte vriende en ek skryf nog steeds uit eerlikheid. “Die industrie het my nog nooit verander nie. Ek weet wie ek is en wat ek wil hê.”Vir die toekoms hoop hy om nog inspirerende musiek vry te stel, om eendag Namibië op ’n groot Suid-Afrikaanse verhoog saam met Salvador Mouers te verteenwoordig, ’n mentorskapprogram in Namibië te vestig en by ’n geestesgesondheidskamp vir mans betrokke te raak.En soos sy aanhangers hom goed ken: “Raak wys. . .”– leandrea@erongo.com.na

Ixa se nuwe enkelsnit is hier

Kommentaar

Republikein 2026-08-04

Meld asseblief aan om kommentaar te lewer

Ixa se nuwe enkelsnit is hier

Kommentaar

Republikein 2026-08-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.