'Hoort'-span bied slypskool in hoofstad aan

Voor aktrise en sangeres Stephanie Baartman haar buiging in Hoort maak, sal sy eerskomende Donderdag saam met pianis Coenraad Rall en skrywer Johann Slabbert ’n slypskool by die Windhoek Afrikaanse Privaatskool aanbied. “Ons is so opgewonde om hierdie te kan doen. Sy sou die Donderdag nog op stel gewees het en toe word die planne geskuif. Ons is so dankbaar dat sy beskikbaar is en hulle was so goedgunstig om hierdie tyd beskikbaar te stel om mense te leer.” Só het Elizma Theron, die voorsitter van die FNB Windhoek Woordfees, vandeesweek in gesprek met Network Television (NTV) se program Kletskompas gesê.Baartman, wat naam gemaak het in sepies soos Getroud met Rugby en Diepe Waters, sal die volgende aand, op 13 Maart, op dieselfde verhoog saam met Rall, as begeleidende pianis, in Hoort verskyn, as deel van die FNB Windhoek Woordfees.Dié semi-outobiografiese kabaret verweef staaltjies en stories uit Baartman se lewe as die dogter van twee predikante en onthul haar soeke na sekuriteit in die konteks van Suid-Afrika se onstuimige geskiedenis.“[Hoort] is ’n semi-outobiografiese stuk deur Stephanie. Dit gaan nie net oor in pas nie – dit is nou in haar spesifieke woorde – maar oor waar jy hoort, waar jy tuis voel en waar jy regtig voel dit is jou huis. “Dit gaan oor hoe families geskei word deur taal en kultuur en hoe dit dan nie altyd so lekker werk as jy dan bymekaarkom nie,” verduidelik Theron.Oor die fees se uitbreiding na Swakopmund, sê Theron: “Al is dit die FNB Windhoek Woordfees, sal dit altyd ’n Namibiese woordfees wees. Ons kan dalk later kyk om die naam te verander, maar ons kyk na alle Namibiërs en ons wil niemand uitsluit nie.”Hoort word op 14 Maart om 19:00 by die Namib Primêre Skool Aula in Swakopmund aangebied.Kaartjies vir beide vertonings is by www.eticket.my.na beskikbaar. Toegang tot die slypskool is gratis.– irene-mari@nmh-hub.com.na

'Hoort'-span bied slypskool in hoofstad aan

Kommentaar

Republikein 2026-07-30

Meld asseblief aan om kommentaar te lewer

'Hoort'-span bied slypskool in hoofstad aan

Kommentaar

Republikein 2026-07-30

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.