Hoe oorleef jy in die Namibiese sakewêreld?

Drie van Namibië se top sakemanne deel op uitnoding van Netwerk vir Afrikaans hul raad en insette oor hoe om in die Namibiese sakewêreld te oorleef. Gert Maritz, Gys Joubert en Philippus Tromp wat sukses behaal het in verskillende sakesektore en wat insluit konstruksie, toerisme en kleinhandel, is deel van ‘n paneelbespreking wat Donderdag 17 Oktober by Arebusch Travel Lodge plaasvind. Onder die vaandel Oorlewing in die Namibiese sakewêreld sal dié suksesvolle trio die beste moontlike raad aan enige besigheid bied. Gert Maritz is die uitvoerende hoof Lithon, ‘n multi-dissiplinêre ingenieursfirma wat projekte oraloor Namibië hanteer. Na afloop van sy studies aan die Universiteit van Stellenbosch, keer Gert, pa van drie, terug na Windhoek waar hy ook sy loopbaan begin. Hy is ook die hoof staan van die GideonsInternasionale Bybelverspreiding in Namibië. Sy lewensleuse is eenvoudig - werk hard, maar speel harder.As besturende direkteur van een Namibië se bekendste en gerekende gasvryheidsgroepe, Gondwana Collection Namibia, het Gys Joubert min bekendstelling nodig. Met meer as tien jaar se agtergrond in die bank- en regsvelde, het hy uitgebreide kennis in handelsreg. In 2017 neem hy die leisels by Gondwana oor, nadat hy hy vroeër as nie-uitvoerende direkteur die maatskappy gedien het. Gys beskryf homself as ‘n idealis met ‘n sterk morele kode en hoop dat die Gondwana-handelsmerk &#039;ware en holistiese menslikheid na die korporatiewe wêreld sal bring&#039; en altyd &#039;n &#039;krag vir die goeie&#039; sal verteenwoordig. Philippus Tromp is bekend vir sy leierskapsrol in die Nictus Groep, &#039;n uiteenlopende kleinhandel- en finansiële dienste maatskappy wat in Namibië en Suid-Afrika sake doen. Hy was instrumenteel in die groei en sukses van Nictus en het bygedra tot die uitbreiding en die versterking van sy teenwoordigheid in verskeie sektore. Dit sluit in van meubel-, voertuie-, motor-, glas- en bande, kleinhandel en versekering tot finansiering.Besprekings vir die paneelbespreking kan gemaak word by admin@netwerk-na.org teenN$300 per persoon (ontbyt ingesluit) of N$3 000 vir ʼn tafel van 10 persone. Beperkte plekke is beskikbaar.

Hoe oorleef jy in die Namibiese sakewêreld?

Kommentaar

Republikein 2026-02-03

Meld asseblief aan om kommentaar te lewer

Hoe oorleef jy in die Namibiese sakewêreld?

Kommentaar

Republikein 2026-02-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.