Goue stemme sing vir die louere

"Ek is baie bly ek is nie ‘n beoordelaar nie, dit gaan ‘n baie moeilike keuse wees. Enigeen van ons deelnemers kan op die verhoog stap en die kompetisie wen," sê Alinda Lu&#039;Mar, stigter en eienaar van die gewilde Voice of Namibia (VoN)-sangkompetisie. Vanjaar se eindrondte van VoN op 12 November sal Namibië se top-17 ontluikende sangtalente na een verhoog bring waar hulle sal meeding om as die nuwe stem van Namibië gekroon te word. Sedert die kompetisie in 2018 vir die eerste keer aangebied is, het dit &#039;n platform aan Namibië se toptalente gebied om hul sangvernuf met &#039;n groter gehoor te deel en het selfs aan die mees onlangse wenner, Lin-Mari, die geleentheid gebied om saam met die gewilde Namibies-gebore musikant Hugo Ludik te werk en haar talent in die proses te slyp. Sy het reeds drie enkelsnitte "The Fool", "As Niemand Daar Is Nie" en "Alles", wat deur Ludik vervaardig is, vrygestel. "Om Voice of Namibia te wen het my lewe in talle maniere verander. Nie net het my selfvertroue gegroei nie, maar dit het baie deure vir my oopgemaak. Dit is &#039;n ervaring waaroor ek vir ewig dankbaar sal wees," sê Lin-Mari. "Ek is opgewonde vir die volgende wenner om te ervaar wat ek ervaar het en om te sien waarheen die reis hulle neem en wat hulle met die titel gaan doen. Namibië het soveel talent en ek kan nie wag om te sien wie ons volgende wenner is nie," voeg sy by. "Die talent is so ongelooflik en ek sien dit elke jaar by Voice of Namibia, veral die afgelope twee jaar," spog Lu&#039;Mar. Volgens haar is Voice of Namibia &#039;n platform wat veelsydige musikante kweek. "Ons sien elke jaar hoe dié wat nie wen nie dikwels weer inskryf en ongelooflike groei toon hoe langer hulle by ons is," sê sy. Lu&#039;Mar moedig deelnemers aan om werklik te fokus op dít wat hulle as verhoogpersoonlikhede uniek maak. "Gaan buite jou gemaksone, doen iets wat jou van die ander deelnemers sal onderskei. Ek dink as hulle ook kan bewys dat hulle veelsydig is en meer as een ding kan doen, kan dit in hul guns tel." DIE TOP-17 &bull; Patricia Coetzee &bull; Tané Hattingh &bull; Karel Schickerling &bull; Asheeqa Emamdien &bull; Mike Nghituwama &bull; Lize Visser &bull; Edlin van der Merwe &bull; Gregory Simon &bull; Jo-Ann Strauss &bull; Shaunline Christiaans &bull; Mia Shifaku &bull; Aquila Claasen &bull; Lara-Nika Praetorius &bull; Sunéll Smit &bull; Anina Oosthuizen &bull; Keenen Carelse &bull; JR Cupido (wenner van die Kanaal 7-talentsoektog wat outomaties deurdring na die finale rondte van VoN) Kontak Lu&#039;Mar via WhatsApp by 081 333 5647 om jou kaartjie teen N$250 te bespreek, of koop joune by die deur. Die eindrondte skop om 18:30 by Droombos aan die buitewyke van die hoofstad af en die gehoor word vriendelik versoek om semiformeel aan te trek.

Goue stemme sing vir die louere

Kommentaar

Readawn Mouton 2 Jaar Gelede 01 November 2022

Meld asseblief aan om kommentaar te lewer

Goue stemme sing vir die louere

Kommentaar

Readawn Mouton 2 Jaar Gelede 01 November 2022

Meld asseblief aan om kommentaar te lewer

MELD AAN

Advertensie