Fliek onder die sterre

Inryteaters soos wat die ouer generasies ken waar jy gebad en in jou pajamas in die kar gebondel word met ‘n koffiefles en genoeg jafels vir twee gesinne, is vir die jong geslag blote onthou’s wat deur ma en pa gedeel word. Jy en joune kan vandag in die oopte en op ‘n kombers en met ‘n piekniekmandjie by die Outdoor Movie Night Under the Stars by Megabuild Lifestyle in Windhoek vir ‘n wyle terugkeer na die nostalgie van fliekkyk onder die sterre!Die fliek wat deur julle gekies is, sorg vir genoeg komedie en afleiding dat jy sommer gou van die week se sorge kan vergeet. Op ‘n naweekbesoek aan Hawaii oortuig ‘n plastiese chirurg sy lojale assistent om haarself voor te doen as sy vrou met wie hy op skei staan. Die hoop en idee is om ‘n wit leuntjie te verdoesel wat hy aan sy veel jonger meisie vertel het. Die fliek is Just Go With It met Jennifer Arniston en Adam Sandler in die hoofrolle. Maak seker jy is vroeg en teen 17:00 by die boonste parkeerarea met die eerste 40 wat ‘n verrassing kry! Toegang is N$100 per persoon wat ‘n peuselhappiepak en ‘n sitplek insluit. Daar is net 80 plekke beskikbaar, so sorg dat jy nou bespreek by die Help Desk in Megabuild Lifestyle. Natuurlik is daar ook ekstra springmielies, iets om te drink, ‘n sjokoladefontein, slap tjips en nog meer beskikbaar. Kliek hier: https://q.my.na/26QV

Fliek onder die sterre

Kommentaar

Republikein 2025-12-19

Meld asseblief aan om kommentaar te lewer

Fliek onder die sterre

Kommentaar

Republikein 2025-12-19

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.