Ek sien joui

‘n Spesiale uitstalling Saterdag op Swakopmund wat deel is van die immer gewilde Swakop At Night poog om broodnodige fondse in te samel vir ‘n projek waar kwesbare persone die kans kry om die gawe van sig te ervaar. Roy van der Merwe van Leopard Eye Photography en Andrea Jansen van Vuuren het unieke werke vir die Eye See You-uitstalling geskenk, met geld wat ingesamel word wat vir die bykomende koste van lewensveranderende oogchirurgie gebruik sal word. Die oogarts dr. Wouter Steenkamp van Medcare Oogkliniek wat nou betrokke is by die projek by die Lionsklub op Swakopmund bied sy chirurgiese dienste vir jare gratis aan om kwesbare persone se gawe vir sig te herstel. Geld wat tydens die uitstalling ingesamel word, sal gebruik word om bykomende koste soos die van hospitalisasie, toerusting en lensinplantings te finansier wat vir die meer gemarginaliseerde ontvangers steeds buite hul bereik.

Met die droom om sy jarelange projek te formaliseer, het dr. Steenkamp koppe by mekaar gesit met Mark Stanton van Two Beards Coffee, met fotograaf Roy wat 23 hoë kwaliteit foto’s geskenk het vir ‘n uitstalling om die nodige geld vir die projek in te samel. Mare Steenkamp van Swakopmund se Lionsklub hanteer voortaan die projek formeel onder die vaandel van die klub se sigprojek waarby sy nou betrokke is. Dit is beskikbaar vir enige persoon en enige oftalmoloog of oogkundige wat bereid is om sy of haar tyd teen geen koste vir die pasiënt of die projek te verskaf, kan ‘n pasiënt vir oorweging kan voorlê. Die doel is om kwesbare individue ten volle te ondersteun om hul sig te herstel.

Die uitstalling word deur verskeie instellings ondersteun waaronder die Swakopmund Kunsvereniging wat ingestem het dat dit deel kan vorm van Saterdag se gewilde Swakop At Night-byeenkoms. Orms Print Room and Framing het die beelde van Roy van der Merwe op aluminium teen minimale koste gedruk, terwyl Two Beards Coffee die uitstaande drukkoste sowel as vervoerkoste na Swakopmund geborg het. Hulle is ook verantwoordelik vir die opstel, beligting en personeel vir Saterdag, terwyl Trendhaus die gasheer vir die uitstalling in sy binnehof is. Sjef David Thomas sorg vir spys en drank, Rig & Studio maak seker dat die uitstalling vir ‘n goeie doel gedokumenteer word, terwyl Caren Burger as vrywillige kurator opgetree het. Eye See You is Saterdag by Trendhaus op Swakopmund van 17:00 tot 21:00 te sien waar jy met jou kopie iemand ‘n lewensveranderende kans kan gee.