Doek! jou doring!

Die Doek Arts Trust (Doek!) is gekies as deel van die Moleskine Foundation se Creativity Pioneers Fund-groep vir 2026, die eerste Namibiese organisasie wat dié erkenning ontvang.

Doek! sluit by ’n groep van 52 organisasies uit 28 lande aan, asook ’n bestaande gemeenskap van 201 kreatiewe baanbrekers wat kreatiwiteit as dryfveer vir maatskaplike verandering inspan.

Dié mylpaal – om uit ’n totaal van 2 900 organisasies gekies te word – erken die passie, toewyding en vasberadenheid wat in die volgende projekte gestort is: Die uitgawes van die tweejaarlikse literêre tydskrif, die tweejaarlikse toekennings en feeste, die skryfwerkwinkels en die bloemlesings. 

Deur elke deurlopende projek streef Doek! daarna om ’n robuuste literêre kultuur in Namibië te koester en te laat groei.

Om deel van vanjaar se Creativity Pioneers Fund-groep te wees, bied aan Doek! talle geleenthede vir samewerking en die deel van hulpbronne, asook die geleentheid om sy begrip van maatskaplik gedrewe en burgerlik bewuste kreatiewe en artistieke praktyke deur interaksie met ander lede van die groep te verdiep.

Creativity Pioneers is ’n dinamiese groep van toonaangewende aktiviste, visioenêre leiers, kunstenaars en, bowenal, kultuurpraktisyns wat daarna streef om ’n verskil in hul plaaslike gemeenskappe te maak en kreatiewe oplossings vir die wêreld se dringendste kwessies te vind.

Creativity Pioneers is kreatiewe agente van verandering wat verbeelding met optrede kombineer en sodoende hart en verstand, poësie en pragmatisme laat saamsmelt. Hulle pak dringende maatskaplike kwessies aan, daag stelsels uit en hef gemeenskappe op deur middel van gewaagde, transformerende werk.

’n Creativity Pioneer se werk is interseksioneel, byvoorbeeld ’n musiekskool kan taalvaardighede verbeter en geestesgesondheid ondersteun. Alhoewel hulle in ’n plaaslike konteks optree, genereer hulle insigte wat wêreldwyd van toepassing is. 

Hul programme is inklusief en bereik diverse gemeenskappe, terwyl daar doelbewus op die ontwikkeling van kreatiewe vaardighede gefokus word. 

– [email protected]