Die kuns van onthou
Memorabilia – objekte wat gehou of versamel word
Met sy nuwe uitstalling deel Pedro Vorster buiten vir skilderye en fotografiese afdrukke ook verskeie items wat vir hom kosbaar is.
Onthougoed. Objekte soos ’n foto, ’n brief, ’n kaartjie, iets wat ’n herinnering losknoop en jou terugneem na ’n tyd, plek of mens wat jy wil koester omdat dit ’n blywende indruk op jou gemaak het.
In Latyn is dit “memorabilia”, met die definisie van objekte wat gehou of versamel word as gevolg van hul assosiasie met onvergeetlike mense of gebeurtenisse. In Nederlands is dit gepas “gedenkwaardigheden”.
Die befaamde Namibiese digter, fotograaf, skrywer en bekroonde visuele kunstenaar Pedro Vorster se jongste uitstalling, Memorabilia, wat vandag in die Nasionale Kunsgalery van Namibië se boonste galery open, is ’n versameling olieverfskilderye en fotografiese afdrukke onder sy “onthou”-sambreel.
Met die uitstalling deel Pedro, wat met verskeie pryse vir sy fotografie en skilderye in sy kleurvolle loopbaan bekroon is, ook verskeie items wat vir hom kosbaar is soos erfstukke uit sy kinderjare.
Elke oomblik van inspirasie tydens sy kunstenaarsreis van etlike jare, is ’n magiese gebeurtenis, vertel Pedro.
Die uitstalling verteenwoordig daarom sy spirituele memorabilia as skilder, fotograaf en skrywer. Die uitstalling bevat 33 werke wat meestal uit olieverfskilderye en fotografiese afdrukke bestaan. Dit verweef vier sentrale temas – mense, landskap elemente, tegnologie en mistieke simboliek.
Deur middel van die versameling probeer hy die ingewikkelde verhouding tussen dié verskillende elemente ondersoek, verduidelik Pedro.
“Sommige van die werke is ouer skeppings met sommige wat nog nooit vantevore uitgestal is nie.
“Sommige van die ander is weer ‘besoek’ en vernuwe vir hierdie uitstalling. Maar elkeen van die werke het my hand en my gedagtes gelei en is deurslaggewend in my vordering in my kuns,” sê Pedro.
Sy menslike figure het feministiese ondertone en word amper altyd eroties uitgebeeld. In een skildery beeld hy ’n man uit, gevries in tyd, op die punt om sy maat (’n vrou) met ’n spies te steek. Sy is sy bruid en hy gee haar haar minnaar se hart. Die vrou se liggaamshouding en gesigsuitdrukking druk haar verset (defiance) en berouloosheid oor haar dade uit.
In die lig van Namibië wat daagliks geteister word met die voortgesette styging van geslagsgebaseerde geweld, dui dié kunswerk op sommige van die probleme wat in intieme verhoudings ervaar word.
Hy vind steeds inspirasie in die Namibiese landskap, sê Pedro, veral die abstrakte in rotsformasies en berge.
Dalk is die rede vir sy fassinasie die betekenis van sy naam, spot hy.
“Die kernbetekenis van my naam Pedro is ‘Petra’, die Latyn vir rots. Die eerste kunstenaars in ons land het op rotse wat gewoonlik met sorg uitgesoek is, gesigte geteken.
“Die oppervlak van die rotse was hul skilderdoeke, ’n sluier tussen ons waargenome werklikheid en ’n geestelike wêreld. Ek verken en probeer om aan te hou om verder as hierdie gordyn te gaan.”
Die titel van die uitstalling Memorabilia is om te wys hoe waarde verkry word deur unieke items en die blywende uitwerking van deurslaggewende historiese oomblikke wat deur individue geïnspireer is, verduidelik Pedro.
Deel van die uitstalling is ook drie voorwerpe wat hy as waardevolle memorabilia beskou en wat ’n geskiedkundige fondsinsamelingsertifikaat insluit met ’n waarde van N$1,7 miljoen.
Buiten vir sy kreatiewe nerings, was Pedro ook vroeër ’n siviele projekbestuurder wat verskeie meriete toekennings vir sy skilderye ontvang. In 2011 wen hy die eerste prys in die Bank Windhoek Triënnale-kompetisie se nuwe kategorie vir fotografie. Vir agt jaar skryf hy oor kuns vir die Windhoek Observer, later ’n kolom vir The Namibian, terwyl sy reisjoernale ook in gewilde en gereelde skryfsels in Republikein was. Sy boek met satire, Headfull, verskyn in 2012.
Pedro se werke is deel van die Nasionale Kunsgalery se permanente versameling asook dié van die Namibiese regering en die Wêreldbank in Seattle, Amerika. Dit vorm ook deel van private versamelings in die Sarenco-galery in Italië, Duitsland, Wallis, Skotland, Japan en natuurlik plaaslik.
Memorabilia kan tot 6 September besigtig word.
– [email protected]
In Latyn is dit “memorabilia”, met die definisie van objekte wat gehou of versamel word as gevolg van hul assosiasie met onvergeetlike mense of gebeurtenisse. In Nederlands is dit gepas “gedenkwaardigheden”.
Die befaamde Namibiese digter, fotograaf, skrywer en bekroonde visuele kunstenaar Pedro Vorster se jongste uitstalling, Memorabilia, wat vandag in die Nasionale Kunsgalery van Namibië se boonste galery open, is ’n versameling olieverfskilderye en fotografiese afdrukke onder sy “onthou”-sambreel.
Met die uitstalling deel Pedro, wat met verskeie pryse vir sy fotografie en skilderye in sy kleurvolle loopbaan bekroon is, ook verskeie items wat vir hom kosbaar is soos erfstukke uit sy kinderjare.
Elke oomblik van inspirasie tydens sy kunstenaarsreis van etlike jare, is ’n magiese gebeurtenis, vertel Pedro.
Die uitstalling verteenwoordig daarom sy spirituele memorabilia as skilder, fotograaf en skrywer. Die uitstalling bevat 33 werke wat meestal uit olieverfskilderye en fotografiese afdrukke bestaan. Dit verweef vier sentrale temas – mense, landskap elemente, tegnologie en mistieke simboliek.
Deur middel van die versameling probeer hy die ingewikkelde verhouding tussen dié verskillende elemente ondersoek, verduidelik Pedro.
“Sommige van die werke is ouer skeppings met sommige wat nog nooit vantevore uitgestal is nie.
“Sommige van die ander is weer ‘besoek’ en vernuwe vir hierdie uitstalling. Maar elkeen van die werke het my hand en my gedagtes gelei en is deurslaggewend in my vordering in my kuns,” sê Pedro.
Sy menslike figure het feministiese ondertone en word amper altyd eroties uitgebeeld. In een skildery beeld hy ’n man uit, gevries in tyd, op die punt om sy maat (’n vrou) met ’n spies te steek. Sy is sy bruid en hy gee haar haar minnaar se hart. Die vrou se liggaamshouding en gesigsuitdrukking druk haar verset (defiance) en berouloosheid oor haar dade uit.
In die lig van Namibië wat daagliks geteister word met die voortgesette styging van geslagsgebaseerde geweld, dui dié kunswerk op sommige van die probleme wat in intieme verhoudings ervaar word.
Hy vind steeds inspirasie in die Namibiese landskap, sê Pedro, veral die abstrakte in rotsformasies en berge.
Dalk is die rede vir sy fassinasie die betekenis van sy naam, spot hy.
“Die kernbetekenis van my naam Pedro is ‘Petra’, die Latyn vir rots. Die eerste kunstenaars in ons land het op rotse wat gewoonlik met sorg uitgesoek is, gesigte geteken.
“Die oppervlak van die rotse was hul skilderdoeke, ’n sluier tussen ons waargenome werklikheid en ’n geestelike wêreld. Ek verken en probeer om aan te hou om verder as hierdie gordyn te gaan.”
Die titel van die uitstalling Memorabilia is om te wys hoe waarde verkry word deur unieke items en die blywende uitwerking van deurslaggewende historiese oomblikke wat deur individue geïnspireer is, verduidelik Pedro.
Deel van die uitstalling is ook drie voorwerpe wat hy as waardevolle memorabilia beskou en wat ’n geskiedkundige fondsinsamelingsertifikaat insluit met ’n waarde van N$1,7 miljoen.
Buiten vir sy kreatiewe nerings, was Pedro ook vroeër ’n siviele projekbestuurder wat verskeie meriete toekennings vir sy skilderye ontvang. In 2011 wen hy die eerste prys in die Bank Windhoek Triënnale-kompetisie se nuwe kategorie vir fotografie. Vir agt jaar skryf hy oor kuns vir die Windhoek Observer, later ’n kolom vir The Namibian, terwyl sy reisjoernale ook in gewilde en gereelde skryfsels in Republikein was. Sy boek met satire, Headfull, verskyn in 2012.
Pedro se werke is deel van die Nasionale Kunsgalery se permanente versameling asook dié van die Namibiese regering en die Wêreldbank in Seattle, Amerika. Dit vorm ook deel van private versamelings in die Sarenco-galery in Italië, Duitsland, Wallis, Skotland, Japan en natuurlik plaaslik.
Memorabilia kan tot 6 September besigtig word.
– [email protected]
Kommentaar
Republikein
Geen kommentaar is op hierdie artikel gelaat nie